Mante sutiyoq munay llaqtapin nacerani, chayqa Tamaulipas (México) estadopin tarikun. Chaypi runakunaqa sumaq sonqon kanku. Ichaqa nishupuni suwakuna kasqanraykun peligroso karan.

Kinsan hermanoykuna, noqataq kuraqman qatiq kani. Tayta-mamayqa iglesia catolicapin bautizachiwaranku, chaymantataq iglesiapi takiq karani. Diospa munaynintan ruwayta munarani, chhaynapi ama Diospa juzgasqan kaspa infiernoman rinaypaq.

Pisqa watayoq kashaqtiymi papay wijch’uwaranku. Chaymi nishuta llakichiwaran ch’usaq sonqotaq sientekurani. Llapaykun anchata munakurayku, chaymi mana umayman jaykuwaranchu imarayku saqewasqanku. Chaymantapachan mamitay askha horakuna llank’aran uywawanankupaq.

Noqataq claseymanta faltakuq kani machu maqt’akunawan purinaypaq. Paykunawanmi yacharani qhelli simikuna rimayta, fumayta, suwakuyta maqanakuyta ima. Jujkunatan dominayta munarani chaymi imaymana clase maqanakuykunata yacharani, jinallataq arma utilizaytapas. Sapa kutillanmi armawan t’ojachinakuykunapi purirani. Askha kutipitaq callepi wijch’usqa karani nishu k’irisqa, jujkunapas wañusqapaq iman piensawaqku. Mamayqa nishutan sufriq chhaynata rikuwaspa, usqhayllan hospitalman apawanan karan.

16 watayoq kashaqtiymi antiguo amigoyku Jorge visitamuwaranku. Payqa Jehová Diospa testigonmi kapusqa, chaymi importante willakuykunamanta willayta munawaranku. Creesqantan Bibliawan explicawaranku. Manan jayk’aqpas Bibliataqa leeranichu, chaymi anchata gustawaran Diospa sutinmanta yachay, imatachus Dios munan kay pachapaq chaymantawan. Jorgen Bibliamanta yachachiyta munawaranku, noqaykutaq aceptarayku.

Bibliapiqa manan infiernomanta yachachisqachu, chayta yachaspan thaj sientekurani (Salmo 146:4; Eclesiastés 9:5). Diostaqa munakuq taytayta jinan rikupurani, payqa allinninchistan munan.

 Bibliata estudiasqayman jinan cuentata qokurani aswan humilde kanayta genioytapas controlanay kasqanta. 1 Corintios 15:33 texton yanapawaran, chaypin niwanchis sichus mana allin runakunawan amistadta ruwasun chayqa millay runaman tukupunanchista. Chaymi amigoykunata saqepunay karan congregacionpitaq amigokunata maskhanay karan. Paykunaqa Bibliaq nisqanman jinan mana maqanakuspalla ima problemankutapas allichanku.

Romanos 12:17-19 texton yanapawallarantaq, chaypin nin: “Ama pimanpas mana allinmantaqa mana allinllawantaq kutichiychischu. [...] Tukuy atisqaykichista ruwaychis lliu runawan sumaqta kausanaykichispaq. [...] Ama qankuna kikiykichisqa vengakuychischu. [...] Simin qelqapipas ninmi: ‘Noqamanmi tupawan vengakuyqa, noqañan kutichipusaq’ ninmi Jehová Diosqa”, nispa. Chaymi Diospa makinpi saqerani tukuy mana allinkuna ruwawasqankuta. Chaymantataq pisi-pisimanta cambiapurani.

Manan qonqasaqchu juj ch’isin pasawasqanta. Juj grupo waynakunan atacawaranku. Chay grupoqa enemigontinmi karanku ñaupaqpi pertenecesqay grupowan. Paykunaq jefenmi wasaypi p’anawaran “¡defiendekuy!” nispa. Chaymi ratolla Diosmanta mañakurani controlakunaypaq. Defiendekuytan munarani, ichaqa ayqeranin. Paqaristin p’unchaytaq chay jefewan tuparayku, ichaqa sapallanmi kasharan. Chay ratoqa sonqoyraqmi t’impusharan vengakunaymanta. Chaymi jujmanta Jehová Diosmanta mañakullaranitaq controlakunaypaq. Admirakuranin chay waynaq kay niwasqanmanta: “Perdonaway ch’isin pasasqanmanta. Noqapas qan jinan kayta munani. Bibliatan estudiayta munani”, nispa. Aswanchá caracterniyta controlarani, chayraykun paypas Biblia estudiayta qallariran.

Familiayqa saqepuranmi Biblia estudiayta. Noqan ichaqa decidikuraniña estudianaypaq manataqmi pipas imapas jark’awananchu karan. Yacharanin Diospa llaqtanpi kayqa sonqoypi k’irisqa sientekusqayta jampinanta, jinaspapas familiay jina kapunankuta. Chaymi vidaypi cambiokunata ruwashallarani, 1991 watapitaq bautizakapurani Jehová Diospa testigon kapunaypaq.

Noqaqa jujkunata dominaq, phiñakuq, maqakuq runan karani. Ichaqa Diospa palabranmi vidayta cambiawaran. Kunanqa Bibliapi sumaq willakuykunatan lliu uyariy munaqkunaman willashani. May kusisqan sientekuni 23 watakuna Diosta tukuy tiempoywan servisqaymanta.

México nacionpin Jehová Diospa testigonkunaq sucursalninpi yaqa 18 watakuna llank’arani. Chaypin reqsirani Claudiata, payqa vivallañan karan, paywanmi 1999 watapi casarakapurani. Diostan anchata agradecekuni chhayna sumaq compañerayta qowasqanmanta.

Paywan kuskan México nacionpi makiwan rimaq idiomapi servirayku, askha roqt’u runakunatan yanaparayku Jehová Diosta reqsinankupaq. Qhepamanqa Belice nacionta rinaykupaqmi asignawaranku. Chaypiqa imachus necesitasqallaykuwanmi kausayku, ichaqa ancha kusisqan kayku. ¡Chhayna kausasqaykutaqa manan imawanpas cambiaykumanchu!

Tiempowanqa Biblia estudiaytan mamitay qallariran, qhepamantaq bautizakapuran. Kuraq wayqeypas esposan wawankuna iman Jehová Diospa testigon kapunku. Bibliamanta willasqay ñaupa amigoykunapas kunanqa Diostan servishanku.

Wakin familiaykunaqa maqanakuyllapi purisqankuraykun wañupuranku. Noqapas chhaynapichá tukuyman karan mana cambiaspayqa. Anchatan Jehová Diosta agradecekuni payta llaqtanta ima reqsichiwasqanmanta. Jinallataq Bibliapi yachachikuyninkunaman jina kausanaypaq munakuywan pacienciawan ima yanapawasqanmanta.