Apostolkunaq wañusqan qhepamanmi “Padres de la Iglesia” nisqakuna ancha allin reqsisqa karqanku. Paykunaq nisqanman hinaqa, runa wañuqtinqa “almansi lloqsipun, hinaspa huchankumanta purgasqa kaspaña hanaq pachaman ripunku” (New Catholic Encyclopedia, 2003).

“Kusisamiyoqmi llamp’u sonqoyoqkunaqa, paykunaqa kay pacha hallp’atan herenciapaq chaskinqaku.” (Mateo 5:5.)

‘Hanaq pachapin wasita suyachisqaykichis’, nispaña Jesús yachachisqankunaman nirqan chaypas, manan nirqanchu: “Llapa allin runakunan chayman rinqaku”, nispa (Juan 3:13; 14:2, 3). Chaymantapas Taytantan nirqan: “Munayniyki kay pachapi ruwakuchun, imaynan hanaq pachapipas ruwakun hinata”, nispa (Mateo 6:9, 10). Chhaynaqa iskay clase premion kan allin runakunapaq. Wakinmi hanaq pachata rinqaku Cristowan kuska kamachimunankupaq, ichaqa pisillan paykunaqa. Wakintaqmi kay pachapi wiñaypaq kawsanqaku, paykunaqa askhapunin kanqaku (Apocalipsis 5:10, Reina-Valera 1960).

Iglesia Catolicaqa pisi-pisimantan “qhawarichikurqan Diospa qhapaq kayninpas [otaq Reinonpas] kanman hina” (The New Encyclopædia Britannica). Hinan atiyniyoq kanankupaq política nisqaman chhaqrukurqanku, chhaynapin mana kasukusharqankuchu Jesuspa: ‘Ama kay pachamanta kaychischu’, nispa nisqanta (Juan 15:19; 17:14-16; 18:36). Roma llaqtapi hatun kamachikuq Constantinoq gobiernonpin Iglesia Catolicaqa wakin yachachikuyninkunata cambiarqan. Chaymi pichus Dios kasqanmantapas huk nirayta yachachiyta qallarirqanku. Qatiqnin paginapi chaymanta yachasun.

Kay textokunata leey: Salmo 37:10, 11, 29; Juan 17:3; 2 Timoteo 2:11, 12.