Kay hallp’aqa kawsay kananpaq hinan allin ruwasqa kashan. Hallp’anchisqa chhikan k’iraykusqan kasqan. Hinaspapas intiq muyuriqninpi imayna muyusqan, kikillanpi imayna muyusqanwan iman, mana kay pachamanta unu ch’akinchu nitaq chhullunkunchu. Kallantaqmi atmósfera nisqa, kay pachaq sonqonmanta lloqsimuq kallpapas, chaykunan hallp’anchista hark’allantaq intiq sinchi ruphayninmanta. Hinaspapas animalkunawan plantakunawanmi yanapanakunku kawsay kay pachapi kananpaq. Chaykunata qhawarispan runakuna ninku: “Kay hallp’anchisqa manan yanqapaqchu kamasqa kashan”, nispa (leey Isaías 45:18).

Kay pachapiqa nishupunin kashan mana allin ruwaykuna ñak’ariykunapas. Chaymi askha runakuna ninku: “Diospa munayninpichá chaykunaqa kan”, nispa (leey Deuteronomio 32:4, 5).

Kay hallp’aqa runakuna Jehová Diosta munakuspa, paykunapura respetanakuspa, sumaqta kawsanankupaqmi ruwasqa karqan. Chaymi runaqa mana kaqllachu animalkunawan plantakunawanpas, ¿imapin hukniray kanku? Runaqa atinmi Jehová Diosta reqsiyta, pay hina munakuq, chanin ruwaq kaytapas (leey Eclesiastés 12:13; Miqueas 6:8).

Jehová Diosqa ancha atiyniyoqmi, payqa hunt’anqan hallp’apaq imachus prometesqanta. Chaymi mana iskayaspa suyakunanchis kay hallp’api sumaq kawsay kananta (leey Salmo 37:11, 29; Isaías 55:11).