Kay tiempopiqa junt’ataq kashan telefonopas computadorapas internetpas chayqa, yaqapaschá jefepas compañerokunapas tukuy tiempo llank’anamanta atentolla kanaykita munanqaku. Chhaynapi tarikuspaqa manapaschá allintachu reparanki ima tiempos llank’anapaq kanqa ima tiempotaqsi qanpaq kanqa chayta. Chay mana pasananpaqqa allintan yachanayki llank’ana tiempota sapaqman churayta qanpaq kaq tiempotapas sapaqman churayta. Casado kausayniykipaqpas t’aqanaykin tiempotaqa.

•  Yachanaykin kayta

•  Familiaykipaq tiempota qoy

•  Juj casarasqakuna willakunku

•  Kuska parlarinapaq

•   Celularpa internetpa kasqanwanmi llank’anaqa casado kausaywan chhaqrukapushan. Pipas ima ratupas wajakamuqtinqa, correo nisqapas ima mensajepas chayamuqtinqa yaqapaschá apuraylla chayta contestayta munasun.

   Jeanette nin: “Ñaupaqqa llank’anamanta samaspa wasiman ripuqtiykiqa familiallamanñan tiempota qoq kanki. Kunanmi ichaqa manaña chhaynachu, llank’anamanta samapusqayki qhepatapas llank’anamanta correokunaqa mensajekunapas chayamushallasunkin, wajamusunkiku iman. Chay pasaqtinqa manañan familiaykipaqqa tiempo kanchu”, nispa.

•   Llank’anaykimanpas familiaykimanpas tiempota qonaykipaqqa allin yuyaywanmi imatapas ruwanayki. Mana chayqa familiaykiman qonayki tiempotawanmi mana reparaylla llank’anaykiman qorapunki.

   Holly sutiyoq señora nin: “Llank’anaman masta tiempota qoqtiyqa manan qosaypaq tiempo kaqchu. Mayninqa “entiendewanchá, ñachá tiempota jap’isaqña paywan pasarinaypaq” nispan niq kani”, nispa.

•   Casado kausaytan ñaupaqman churana. Bibliapin nishan: “Diospa jujllachasqantaqa ama pipas t’aqachunchu”, nispa (Mateo 19:6) Manan munawaqchu pipas qosaykimanta otaq esposaykimanta t’aqanasuykitaqa ¿riki? Chaychu jinata qhawawaq llank’ana t’aqanasunaykita.

   Mark nin:“Wakin clientekunaqa ima ratupas wajamullasunkikun, pagashanitaq chayqa atiendewananmi, niq jinaraqmi wajakamunku. Noqaqa casado kausayniytan imamantapas ñaupaqman churayta munani, chaymi paykunataqa nini: mana llank’anay p’unchaypiqa manan pitapas atiendenichu, ichaqa tiempocha karuqtin jina wajamusayki nispay”, nispa.

   Tapukuy: “¿Imatan rikuchishani imapas ruwasqaywan? ¿Llank’anatachu ñaupaqman churashani icha casado kausayniytachu?”, nispa

•   Manan atiymanchu ninaykin. Bibliapin nishan: “Juch’uyaykukuqkunan ichaqa yachayta tarinku”, nispa (Proverbios 11:2) Juch’uyaykukuq kaymi yanapasunki atinallaykita ima llank’anatapas chaskikunaykipaq jujwan yanapachikunaykipaqpas.

   Christopher nin: “Noqaqa unu tubokunatan allichani chaymi mayninqa wakin runakunaqa desesperasqa renegasqa ima wajamuwanku, chaymi noqaqa mana atispaqa jujpaq numeronta qoni paywan yanapachikunankupaq”, nispa.

   Tapukuy: “¿Yachanichu “manan atirusaqchu” niyta chhaynapi qosaytapas esposaytapas ama sapallanta saqenaypaq? ¿Imaninmi qosay otaq esposay chaymanta?”, nispa.

•   Tiempota t’aqaychis kuska kanaykichispaq. Bibliapin nishan: “Tukuy imapaqmi tiempo kan”, nispa (Eclesiastés 3:1) Casado kausaypi allin kanapaqqa t’aqanapunin tiempota kuska kanapaq. Astawanqa askha llank’anayoq kaspan tiempochata orqonapuni chaypaq.

   Deborah nin: “Mayninqa askha llank’anayoqmi kayku chaywanpas t’aqaykupunin tiempotaqa kuska kanaykupaq, kuska mijunaykupaq, paseaq rinaykupaqpas”, nispa.

   Tapukuy: “¿T’aqanipunichu tiempochata qosaywan esposaywanpas juj ratu kanaypaq? ¿Imaninmi pay chaymanta?”, nispa.

•   Amaña llank’anaykipi piensaychu. Bibliapin nishan: “Aswan allin kaqkunatapas allinta reparanaykichispaqwan”, nispa (Filipenses 1:10) Atispaqa juj iskay horallapas ch’inyachiy celularniykita chhaynapi ama llank’anallapi piensanaykipaq.

   Jeremy nin: “Noqaqa juj horan celularniyta apagani chhaynapi chay ratupi ama lIank’anaypi piensanaypaq. Chayta ruway sasaña chaypas kallpachakushanin chayta ruwanaypaq”, nispa.

   Tapukuy: “¿Sapa ratuchu celularniyta qhawashani “jefeychu clienteychu wajamuwashanpas qelqamuwashanpas” nispa? ¿Imaninmi qosay otaq esposay chaymanta?”, nispa.

•    Mayninqa kanqapunin ima emergenciapas llank’anapi. Bibliapin nishan: “Lliu runakuna yachachunku allin yuyaywanpuni imatapas ruwaq kasqaykichista”, nispa (Filipenses 4:5) Mayninqa llank’ananchisqa qechuwasunmi tiempota qosawan esposawan tiempota pasarinanchispaq. Mayninqa yaqapaschá juj emergencia kaqtin qosaykipas esposaykipas mana llank’anan horapi llank’anan kanqa. Chhayna kaqtinqa manan paywanqa phiñakunaykichu.

   Beverly nin: “Mayninpiqa Esposoypaq negocionpin qonqay ima emergenciapas karun chaymi chayta atiendenan. Mayninqa nananmi sonqoy juj chhikanta ichaqa qokullaykutaq tiempota kuska pasarinaykupaq chayqa, manan nishutaqa chaypiqa piensanichu”. nispa.

   Tapukuy: “¿Qosaytapas esposaytapas entiendenichu ima emergenciapas llank’ananpi karuqtin? ¿Imaninmi pay chaymanta?”, nispa.

 Ñaupaqtaqa sapankaykichis kay tapuykunapi piensariychis chaymantataq kuska parlariychis.

•   ¿Jayk’aqllapas qosaykipas esposaykipas nirasunkichu “llank’anallamanñan nishuta qokushanki” nispa? Chhayna kaqtinqa, ¿razonwanchu chayta nishasunkiman?

•   ¿Imakunatan llank’anaykipi ruwawaq familiaykiman tiempota qonaykipaq?

•   ¿Jayk’aqllapas renegarankichu qosayki esposaykipas wasipipas llank’anallanpi piensasqanmanta? Chhayna kaqtinqa, ¿jayk’aqmi chay pasarqan?

•   ¿Munawaqchu qosaykipas esposaykipas imallapipas cambiananta chhaynapi llank’ananta allin yuyaywan qhawarinanpaq?