Imaynan runakunaqa sapankapas sutiyoqkama kanchis chhaynan Diospas sutillayoqtaq. Chaymantapas manachus sutinchis kanman chayqa, ¿imaynatan piwanpas reqsinakusunman? Diospas manachus sutiyoq kanman chayqa, ¿imaynatan atisunman paywan amigontin kayta?

 Bibliapi “Señor Dios” “ancha jatun Señor” “Kamaq” ninña Diosta chaypas, payqa munanmi sutinmanta wajakunanchista (Génesis 17:1; Hechos 4:24; 1 Pedro 4:19). ¿Imataq sutinri? Juj kutinmi Jesusqa Diospa simin qelqakunamanta rimaspa niran: “Qelqasqan kashan: ‘Jehová Diosniykitan adoranki, pay sapallantataqmi servinkipas’”, nispa (Mateo 4:10). Chaypi nisqan jina, Diospa sutinqa “Jehová” nisqan.

 Wakin yachayniyoq runakunaqa “Yavé” nispan qelqanku Diospa sutinta, ichaqa “Jehová” nisqa sutin lliu mundontinpipas aswan reqsisqaqa.

 Bibliapi Antiguo Testamento nisqaqa manan quechuapichu qelqasqa karan, aswanpas hebreo rimaypin, chayqa pañamanta lloq’emanmi leekun. Chay rimaypiqa tawa letrakunawanmi Diospa sutinqa qelqasqa kashan, khaynan chay יהוה, chaytaq “YHWH” nispa ninan. Chaytan nikun “tetragrámaton” nispa.