“Chaimandami cangunataca nini, imata mañashpapash, chasquishapacha yashpami mañana canguichi. Shina mañashpaca chasquinguichipachami” (Marcos 11:24, Traducción del Nuevo Mundo).

 “Por eso les digo que cuando pidan algo en sus oraciones, pídanlo convencidos de que ya lo han recibido y entonces todo lo que pidan será suyo” (Marcos 11:24, La Palabra de Dios para Todos, 2012).

 Jesusca Marcos 11:24​pi shimicunata paipa apostolcunaman nishpaca Taita Dios paicunapa mañaita uyanata tucui shunguhuan crinatami yachachijurca. Shinallata mañaicunata uyashca jahuapash paicunapa mañaicunata contestajtami yachachirca. Pipash Taita Dios munashcashna mañajpica Taita Dios chai oracionda uyanataca seguromi caita ushan. Shina mañajpica Taita Dios chai oracionda contestashcashnami caita ushan.

 Jesusca Taita Diosta tucui shunguhuan mañachun nishpami yachachirca. Jesusca Taita Diosta mañajcunataca pactaringapachami yashpa “shungupi na dudashpa tucui devoción” mañana canguichi nishpami yachachirca (Marcos 11:23). Porque “shina dudanata yachajcunaca Jehová Diosmandaca na imatapash chasquingachu” a (Santiago 1:5-8).

 Feta charij gentecunaca Taita Diosta mañanata na saquinllu (Lucas 11:9, 10; Romanos 12:12). Shina rurashpami mañajushcata ciertopacha minishtijushcata ricuchin. Chai mañaita Taita Dios contestanatapash seguromi can. Taita Dios chai rato na contestashpapash ñucanchi mañaicunataca na yashcapimi contestaita ushan. Ñucanchi pensaitallapash na pensashca cosascunahuanmi ñucanchi mañaitaca Taita Diosca contestaita ushan (Efesios 3:20; Hebreos 11:6).

 Maijanbash paicunapa munashcata Taita Diosta mañachun y paicunapa mañaita contestachun shuyana cashcataca Jesusca na ningapaj munarcachu. Jesusca Marcos 11:24​pi shimicunata nishpaca paipa apostolcunamanmi ningapaj munarca. Jesuspa apostolcunami Taita Dios munashcashna sirvinajurca. Bibliapica Jehová Diosca pai voluntadhuan de acuerdo cajpillami oraciongunataca uyan ninmi (1 Juan 5:14). Yachashca jahua nali cosascunata rurajpica Taita Diosca paicunapa mañashcacunataca na uyanllu. Shinallata nali cosascunata rurashpa na arrepintirijpipash paicunapa mañaitaca na uyanllu (Isaías 1:15; Miqueas 3:4; Juan 9:31). Taita Dios mañaicunata uyajta ashtahuan yachangapaj munashpaca cai videota ricupai.

 Jesús ultimo punllacunata cai alpapi cashpaca paipa apostolcunamanga Taita Diospi shinlli feta charina importante cashcatami yachachirca. Caimanda aliguta intindichunga shuj chimbapuraitami churarca. Jerusalenman rinajujpimi shuj higos yurata ricurca chai yuraca higostaca na charircachu. Chaimi Jesusca chai yurataca maldicirca (Marcos 11:12-14). Jesusca higos yurataca Israel llactahuanmi chimbapurarca. Israel llactaca Taita Diosta sirvijunshnami ricurirca pero Taita Diospica na feta charircachu. Jesús maldicishca higos yuraca asha tiempo jipaca chasquircami (Mateo 21:43). Chai higos yuraca Israelitacuna Taita Diospi na feta charishcamanda tucuchi tucuna cashcatami ricuchijurca (Marcos 11:19-21).

 Jesusca paipa catijcuna llaquicunata mishai ushangapaj shinlli feta chari ushanataca seguropachami carca (Marcos 11:22, 23). Apostolcunaman oracionmanda yachachinaca Jesuspaca importantemi carca. Porque asha tiempo jipallami pai huañujpica paipa contracuna catiriashpa llaquichijpi apostolcunaca shinlli feta charishcata ricuchina carca (Lucas 24:17-20; Hechos 5:17, 18, 40). Shinallata cunan punllacunapipash Taita Diospi shinlli feta charishpa y Taita Dios mañaicunata uyanata seguro cashpami cristianocunaca llaquicunataca mishaita ushan (Santiago 2:26).

 Marcos librota ashtahuan aliguta intindingapaca cai videotami ricuita ushapangui.