Josué 12:1-24
12 Israelitacunaca ishcai reycunata mishashpami, indi llujshimuj Río Jordán ladopi tiashca alpacunata japirca. Chai alpacunaca Arnón pambacunamanda,* Hermón lomacaman, shinallata indi llujshimuj ladopi Arabá pushtupi gulpi alpacunacamanmi carca. Chai ishcai reycunaca caicunami can:
2 Hesbón llactapi causaj, amorreo gentecunata mandaj Sehón shuti rey. Cai reyca, Aroer llactatami mandajurca. Aroer llactaca Arnón pambacuna* manñapimi carca. Paica Arnón pambacuna chaupimanda, Jaboc shuti pambacunacamanmi* mandajurca. Galaad alpacuna chaupitami paica mandajurca. Jaboc pambacunaca ammonita gentecunapa alpacunacamanmi carca.
3 Shinallata Sehón shuti reyca, indi llujshimuj ladopi Arabá pushtumanda, Kinéret* shuti mar yacucaman y Mar del Arabá o Mar Salado* yacucamanmi mandajurca. Shinallata indi llujshimuj ladopica Bet-Jesimot ladocamanmi mandajurca. Y sur ladomanga Pisgá ladera manñacamanmi mandajurca.
4 Shinallata israelitacunaca Basán llactata mandaj Og shuti reypa alpacunatapashmi japirca. Chai reyca Astarot y Edréi shuti llactacunapimi causan carca. Og shuti reyca, refaím gentecunamanda quidashca último jarimi carca.
5 Og shuti reyca Hermón, Salecá shuti llactacunata y Basán llacta enterotami mandajurca. Chai llactacunamanda callarishpami guesurita gentecunapa y maacatita gentecunapa llacta manñacunacaman mandajurca. Shinallata Galaad alpacuna chaupimanda Sehón shuti rey mandajuj Hesbón llactacamanmi mandajurca.
6 Jehová Diosta sirvij Moisespash y israelitacunapashmi chai llactacunata misharca. Chai jipami Jehová Diosta sirvij Moisesca Rubenba, Gadpa jatun familiacunaman y Manasespa chaupi jatun familiamanbash chai mishashca alpacunataca curca.
7 Río Jordanba indi huashajuj ladopi Josuepash y israelitacunapash mishashca reycunaca taucacunami carca. Josueca israelitacunandimi Líbano pambacunapi* Baal-Gad shuti pushtumanda, Seír pushtucaman chayaj Halac shuti lomacaman misharca. Chai jipami Josueca chai alpacunata israelitacunapa cada jatun familiaman según imashina urmashcata repartirca.
8 Chai alpacunaca urcucunapi tiashca alpacunami carca. Shinallata Sefelá y Arabá pushtucuna, laderacuna, desiertocuna y Négueb pushtumi carca. Chai alpacunaca hitita gentecunapa, amorreo gentecunapa, cananeo gentecunapa, perezita gentecunapa, heveo gentecunapa y jebuseo gentecunapami carca. Chai mishai tucushca reycunaca cai llactacunamandami carca:
9 Jericó llactamanda, Betel llacta ladopi caj Hai llactamanda,
10 Jerusalén llactamanda, Hebrón llactamanda,
11 Jarmut llactamanda, Lakís llactamanda,
12 Eglón llactamanda, Guézer llactamanda,
13 Debir llactamanda, Guéder llactamanda,
14 Hormá llactamanda, Arad llactamanda,
15 Libná llactamanda, Adulam llactamanda,
16 Maquedá llactamanda, Betel llactamanda,
17 Tapúah llactamanda, Héfer llactamanda,
18 Afec llactamanda, Lasarón llactamanda,
19 Madón llactamanda, Hazor llactamanda,
20 Simrón-Merón llactamanda, Acsaf llactamanda,
21 Taanac llactamanda, Meguidó llactamanda,
22 Quedes llactamanda, Carmelo urcupi Jocneam llactamanda,
23 Dor shuti laderapi Dor llactamanda, Guilgal pushtupi Goyim llactamanda,
24 Tirzá llactamandami carca. Totalca 31 reycunami carca.
Notacuna
^ Caipica Genesaret lagomanda o mar de Galileamandami parlajun.
^ Caipica Mar Muertomandami parlajun.
^ O “Valle del Líbano”.
