Cristianocunapa causaipi ayudaj Bibliapa textocuna nishcaca imapash situaciongunata charishpa Bibliapa versocunata uticalla tarita ushachunmi can. Shinallata cai libroca shujcunata animangapaj y Jehová Diosta jatunyachij decisiongunata japichun ayudangapapashmi alipacha textocunata can. Maijan temaman yaicungapaj munashcatami mascana capangui. Cada temami tapuicunata y Bibliapi parlaj huaquin ejemplocunamandapash ashaguta yachachin (“ Imashinata cai publicaciondaca utilizaita ushapanchi” nishca recuadrota ricupangui). Bibliamanda japishca alipacha consejocunata y animachij textocunatami ñapash taripangui. Shinallata quiquindapash y shujcunatapash ayudangapami importante yuyaicunata yachajupangui.

Cai libropa tiashca cada temapa textocunaca na chaillachu can. Ashtahuangarin cai temapi yuyaicunaca ashtahuan investigachunmi ayudapanga (Pr 2:​1-6). Ashtahuan yachajungapaj munashpaca referenciacunata y La Biblia. Traducción del Nuevo Mundopa nota de estudiotapashmi ricuita ushapangui. Shinallata Guía de estudio para los testigos de Jehová o Índice de las publicaciones Watch Tower nishca publicaciongunapashmi ashtahuan estudiangapaj utilizaita ushapangui. Chairalla llujshishca publicaciongunapa informaciondami mascaita ushapangui.

Cai libropa yuyaicuna Taita Diospa shimi Biblia ashtahuan quiquingunata ayudachunmi munapanchi. Cai librota ashtahuan utilizashpaca ‘Taita Diospa shimi causaj cashcata. Ashtaca poderta charishcatami’ cuenta japipangui (Heb 4:12).