PARTE 7
Jesusca ¿pita carca?
Jehová Diosmi Jesusta cai Alpaman cachamurca. 1 Juan 4:9
Adanta nara rurashpallatami Jehová Diosca ashtaca poderta charij angelta jahua pachapi rurarca. Paitapash uyachunmi Jehová Diosca munan.
Chai ángel cai Alpapi nacirichunmi Diosca chai angelpa causaita nara cazarashca Mariapa vijsa ucupi churarca. Shinami Belenpi nacirirca. Paitami Jesusta shutichirca (Juan 6:38).
Cai Alpapi cashpaca Jesusca paipa Taita shinami gentecunata juyarca. Paica ali alimi carca. Chaimandami gentecunapash paiman quimiringapa munarca. Ashtahuangarin, na manllashpami paica Diosmanda ciertota yachachirca.
Jesús alita rurajpipash ashtacacunaca na ricunayachircachu. 1 Pedro 2:21-23
Ungushcacunata jambirca, huaquin huañushcacunatapash causachircami.
Sacerdotecunaca nalicunatami ruranajun, llullashpami yachachinajun nishpa villajpimi sacerdotecunaca Jesusta na ricunayachirca.
Chai sacerdotecunaca romanocunahuanmi Jesustaca macachirca, huañuchirca.
