Cada huatami ashtaca gentecunaca tragota ufiaimanda, na ufiana pastillacunata ufiaimanda o drogata yapata fumaimanda huañushca. COVID-19 unguimandami cai problemaca ashtahuanmi mirashca. Ashtacata gentecunataca Bibliapa consejomi drogata fumanata saquichun ayudashca. Drogata fumana problemata charijpica quiquindapashmi Bibliapa consejocuna ayudaita ushanga. a

Cai temapica caitami yachajupashun

•  Drogata fumana viciota saquingapaca ¿imamandata Bibliapa ayudata mascana capangui?

•  Bibliamanda chuscu consejocunami drogata fumana viciota saquichunga ayudaita ushan

•  Bibliapa versiculocunami drogata fumana viciota saquichunga ayudaita ushan

•  Drogata fumanata saquichun imashina shujcunata Biblia ayudashca ricupai

•  Drogata fumacuna tratamientocunata rurachun ¿Bibliaca prohibinllu?

•  Drogahuan rurashca pastillacunata ufiachun ¿Bibliaca prohibinllu?

 Investigadorcunaca drogata fumanata yachajcunaca sololla sintirimanda, estresmanda, ansiedadmanda o depresionmandami chashna viciocunataca charij nin. Bibliaca Taita Diospi crishpa viciota saqui ushachun shinallata Taita Diospa amigo caita ushachunbashmi ayudan (Salmo 25:14). Quiquinba cai problemacunamanda llujshina shinlli cajpipash Taita Diospa ayudahuanmi cai problemacunamandaca llujshita ushapangui (Marcos 11:22-24).

1.  1. Jehová Diosta rijsipai b (Juan 17:3). Jehová Diosca tucuita ruraj, tucui ushaita charij Taita Dios cashpapash paica quiquinbaca shuj juyaj Taitami can. Jehová Diosca quiquinman quimiringapami munan shinallata paipa podertapash quiquinda ayudangapami utilizangapaj munan (Isaías 40:29-31; Santiago 4:8). Taita Diosman quimirijpica Taita Diosca jipa punllacunapica ali causaiguta carangapami munan (Jeremías 29:11; Juan 3:16).

2.  2. Jehová Diosta ayudahuai nishpa mañapai. Taita Diospa ñaupapi limpio ricuringapaca munashpaca quiquin charishca viciota saqui ushangapaj Taita Diosta mañapai (Romanos 12:1). “Gentecuna na chari ushashca ushaita” cushpami Jehová Diosca paipa espíritu santota o fuerzata cushpami ayudan (2 Corintios 4:7; Lucas 11:13). Taita Diospa espiritu santoca drogata fumana viciota saquichun y Taita Dios munashcashna shuj “mushuj causaita” charichunmi ayudaita ushan (Colosenses 3:9, 10).

3.  3. Taita Diospa yachachishcacunataca quiquinba yuyaipi charipai (Isaías 55:9). Drogata fumana viciota saquichunga Taita Diosmi quiquinba “pensamientocunata mushujyachishpa” catichun o cambiashpaca catichunga ayudanga (Efesios 4:23). Taita Diospa pensamientocunaca Bibliapimi tian chaimi Bibliata cada punlla liingapaj esforzarina capangui (Salmo 1:1-3). Ashtaca gentecunataca Bibliapa yachachishcacunata intindingapaca shujcunapa ayudatami minishtishca (Hechos 8:30, 31). Testigo de Jehovacunaca Bibliamandaca gratismi yachachipanchi. Shinallata Bibliamanda ashtahuan yachajungapaj, yachajushcata ñucanchi causaipi pactachingapami ñucanchi tandanajuicunamanbash invitapanchi.

4.  4. Ali amigocunahuan tandanajupai. Quiquinba ali amigocunami drogata fumanata saquingapaj munajpica ayudaita ushan. Taita Diosca paita adoraj puracunapica ali amigocunatami charin (Proverbios 13:20). Chaimi quiquinbash chai ali amigocunamanda beneficiarichun munan (Salmo 119:63; Romanos 1:12). Entretenimientocunataca aliguta ricushpami agllana capangui porque pimandapash ricushpa o uyajushpaca paicunahuan pacta yalijunshnami canchiman. Ali cosascunata ruranata pipash jarcachunga na saquinachu capangui (Salmo 101:3; Amós 5:14).

 Filipenses 4:13: “Taita Dios poderta cujpimi, ñucaca tucui cosascunata mishangapaj fuerzata charipan”.

 Italiamanda, Patrizia jovenga cashnami nin: “Ñucamandalla drogata fumanata saquitaca na usharcanichu. Chaimi Taita Diosta ayudahuai nishpa mañarcani paimi fuerzata cushpa ayudahuashca”.

 Joseph Ehrenbogen jovenga macanajushpalla causa gentepuracunapimi causarca chaimandami tragota ufianata, tabacota, marihuanata y heroína nishcata fumanata yachajui callarirca. Tauca viajecunatami drogata yapata fumaimandaca ñalla huañurca. Pai cambiai ushashcata ricuchunga Bibliapa shuj versiculomi ayudarca. Paipa causaimandaca “Aprendí a respetar a las mujeres y a respetar mi vida” nishca temata ricupangui.

 Dmitry Korshunov jarica tragota ufianata saquingapaj munashpapash tauca viajecunatami tragota ufianapica urmarca. Tragota ufianata saquichun ima ayudashcata yachangapaj “Ñucapa causaita millanayachircanimi” nishca videota ricupai.

 Na. Ashtahuangarin Bibliapica sano gentecunaca doctortaca: “na minishtinllu pero ungushca gentecunaca minishtinmi” ninmi (Mateo 9:12). Shinallata Estados Unidosmanda Instituto Nacional sobre el Abuso de Drogaspash cashnami nin: “Drogata fumana vicioca shuj unguimi can, chaimi ñucanchi munai drogata fumanata saquingapaj munashpapash shinllimi can”. Taita Diospa fuerzaca gentecunapa munaitapash yalimi can. Bibliapa consejocunami ashtacacunataca drogata fumana viciota saquichun ayudashca shinapash doctorcunapa tratamientocunatapashmi minishtishca. c Por ejemplo, Alberto shuti jarica cashnami nin: “Tragota ufianata saquingapaj munashcamanda tragota na ufiajpica cuerpo enteromi nanan carca. Taita Diospa ayudata chasquijushpapash doctorpa tratamientocunatapash minishtijushcatami cuenta japircani”.

 Na. Ashtahuangarin Bibliapica imapash nanaicunata charijpi chai nanaita calmangapaj tragota o vinota ashalaguta ufiana cashcatami parlan (Proverbios 31:6; 1 Timoteo 5:23). Pero nanaicunata calmangapaj tragota yapata ufiana, pastillacunatapash yapata ufianapash nalichu can. Chaimi doctorpa cushca recetacunatapash aliguta ricushpa pastillacunata ufiana canchi (Proverbios 22:3).