¿Pobrella causaica ima horapash tucuringacha?
Mundo enteropimi gentecunaca cosascuna yapata valijpi huelgacunata rurangapa llujshina tucushca. COVID-19 unguimandami trabajo illa micuna illa quidaimandami gentecunaca ninanda preocuparishca. Shinallata cai pandemiamandami culqui illa caimanda hospitalman rita, imagutapash randitaca pobrella gentecunaca na ushashca cutin rico gentecunaca culquita charimandami imagutapash rurai ushashca.
¿Ima horapash culqui illa causaica tucuringacha? Ari. Taita Diosmi cai problemata tucuchinataca Bibliapi yachachin.
Culqui faltajlla causaitami Taita Diosta tucuchinga
Problema: Gobiernocunaca tucui gentecuna minishtirishca cosascunata charita ushachunga imatapash na ruraita ushashcachu.
Solución: Taita Diosmi cai alpapi tiaj tucui gobiernocunata tucuchishpa paipa gobierno cai alpapi mandachun churanga. Taita Diospa gobiernomi jahua cielomanda cai alpata mandanga (Daniel 2:44; Mateo 6:10).
Imata pasanga: Taita Diospa Gobiernolla cai alpata mandajujpimi aliguta mandanga. Taita Diospa Gobierno mandajujpimi gentecunaca paicuna minishtirishcaguta charinga. Shinallata culquimandapash ña na sufringachu (Salmo 9:7-9, 18). Trabajashpapash paicunapajllatami trabajanga imatata tarpushpapash paicunapajllatami tarpunga chaimi paicunapa familiahuan cushilla causanga. Bibliapica shamuj punllapi Taita Dios imata carasha nishcatami yachachin: “Huasicunata shayachishpami, chaipi causanajunga. Uvas chagrata tarpushpami, chaipi fucushcata micushpa causanajunga. Shujcuna causanajuchunga, na huasichinajungachu” (Isaías 65:21, 22).
Problema: Gentecunaca llaquicuna ama tiachun shinallata llaqui apashca gentegucuna paicunapa minishtirishcacunahuan causai ushachunga imatapash na rurai ushashcachu.
Solución: Taita Diosmi paipa Gobiernota utilizashpa gentecuna charishca llaquicunataca tucuchinga.
Imata pasanga: Llaqui apashca gentegucuna paicunapa minishtirishca cosasgucunamanda ama sufrishpa causachunmi Taita Diosca llaquicunataca tucuchinga. Por ejemplo, guerracunapash, yarjaipash, unguicunapash nunca ñana tiangachu (Salmo 46:9; 72:16; Isaías 33:24). Taita Diosca cashnami nin: “Ñuca agllashca gentecunaca, casilla aliguta causana llactapimi causanajunga. Ima llaquipash illa, cushilla samana huasicunapimi causanajunga” (Isaías 32:18).
Problema: Casi siempremi paicunapilla pensarij gentecuna ashtahuan chariyangapa munan gentecunaca shuj gentecunamanda aprovecharin.
Solución: Taita Diospa Gobierno mandajujpi causa gentegucunaca paicunapilla pensaringapaj randica shujcunapi pensarishpami ayudanata yachajunga (Mateo 22:37-39).
Imata pasanga: Taita Diospa gobierno cai alpata mandajujpica gentecunaca Taita Dios juyanshnallatami shujcunata juyaimanda “na paipajlla alita mascanga” (1 Corintios 13:4, 5). Bibliapa cashnami nin: “Ñucapajlla shicanyachishca tucui urcupica, ima nalitapash, ima llaquitapash na ruranajungachu. Imashnami mama cuchaca yacu jundashca tiajun, chashnallatami tucui cai pachaca, Jehová a Diosta rijsina yuyaihuan junda canga” (Isaías 11:9, Traducción del Nuevo Mundo [TNM]).
Bibliapi nishcashnaca tucurimi punllacunapimi causanajunchi shinallata Bibliapica culqui faltaimanda llaquicuna tiashcatapash Taita Dios ñalla tucuchinatami nin. Taita Diospa Gobierno mandangacamanga Bibliapa consejocunami llaquicunata aguantachunga ayudanga b (Salmo 12:5). Cai yuyaicunamanda ashtahuan yachangapaj munashpaca “Imashinata ashalla culquiguhuan causaita ushanchi” shinallata “Una opinión realista del dinero” nishca temacunatami ricuita ushapangui.
a Bibliapica Taita Diospa shutica Jehovami can (Salmo 83:18).
b Bibliapi imamanda confiai ushashcata yachangapaca “Bibliami cabalguta yachachin” nishca temata ricupai.
Cai temacunata ashtahuan liipai
VILLAJUN REVISTA
Taita Diospa Gobiernoca ¿imacunatallata ruranga?
Jesusca Taita Diospa Gobiernolla cai alpapi tiashca tucui problemacunata tucuchi ushashcataca ali yacharca. Taita Diospa Gobiernopi gentecuna confiachunga ¿imatata chai gobiernoca ña rurashca?
BIBLIAPA ALIGUTA INTINDICHISHCA TEXTOCUNA
Mateo 6:34 | “Cayandi punllamandaca nunca na pinarijunachu capanguichi”
Jesús cai shimicunata nishpaca cayandi punlla imata ruranata o shamuj punllacunapi imata rurana cashcataca nunca na pensarinachu canguichi nishpaca na nircachu.
VILLAJUN REVISTA
Pobrella causaica ¿ima horapash tucuringacha?
Pobrella causaitaca ¿pishi tucuchinga?
