Ashtaca gentecunaca, nunca na tucui laya o tucui raza gentecunaca ali tratai tucungachu yanmi.

•   Naciones Unidaspa secretario general Antonio Guterresca ninmi: “Mundo enteropimi racismoca tian. Racismoca veneno cuendami jatun instituciongunata, shuj shuj organizaciongunata y gentecunapa causaitapash ninanda afectan”.

 ¿Ima punllapash tucui raza gentecunaca ali tratai tucungacha? ¿Imatata Bibliapica nin?

 Bibliapica tucui raza gentecunamanda Taita Dios imata pensajtami nin.

•   Hechos 17:26​pica ninmi: “[Taita Diosca] cai alpapi causachunmi shujlla gentemanda tucui clase o tucui laya gentecunata rurarca”.

•   Hechos 10:34, 35​pica ninmi: ‘Taita Diosca tucuicunatami igual ricun. Ashtahuangarin, maijan llactamanda cashpapash, paita manllashpa causajcunata, alita rurashpa causajcunataca tucuicunatami chasquin’.

 Bibliapi nishca shinaca, tucui gentecunami shujlla familia can y Taita Diosca tucui raza gentecunatami chasquin.

 Jahua cielomanda Taita Diospa Gobierno mandajpimi, tucuilla raza gentecunaca ali tratai tucunga. Taita Diospa Gobierno mandashpami, shuj raza gentecunata aliguta tratanata gentecunamanga yachachinga. Gentecunaca shungu ucupillapash shuj raza gentecunata ñana nalicachishpa ricujunatami yachajunga.

•   Isaías 26:9​pica ninmi: ‘Cai pachapi causajcunaca [alita] rurashpa causanatami yachajunga’.

•   Isaías 32:17​pica ninmi: ‘[Alita] rurashcamandaca, casilla ali causaimi tianga. [Alita] rurashpa chashna causashcamandaca samanapash, imata na manllashpa causanapash’ para siempremi tianga.

 Cunanbica ashtaca millón gentecunami, shuj gentecunata aliguman, respetohuan tratanata Bibliapi yachajunajun.

•   Ashtahuan yachangapaj munashpaca, Rijcharipaichi revistapi “Tucuicunata igual tratachunga ¿imata ayudanga?” temata ricupangui.

•   Shuj raza gentecunata imashina tratanata huahuacunahuan parlangapaca, “Tucui gentecunata igual tratanamandaca imashinata quiquinba huahuacunahuanga parlaita ushapangui” temata ricupangui.