•   “China llactapica cai huataca yapatami indishca, chaimi cai quimsa veranohuanga yapata chaquishca can” (The Guardian, 7 de septiembre de 2022).

•   “5 huatacamanmi África llactapica yapata rupashpa na tamianga” (Noticias ONU, 26 de agosto de 2022).

•   “Europa llactapica talvez chaupi llacta enteropimi ninanda rupashpa na tamianga, ninanda rupashpa na tamiashca punllacunaca ñami 500 huatacuna yalishca” (BBC news, 23 de agosto de 2022).

 Alipacha estudiashcacunaca yapata indishpa na tamianaca ashtahuanmi paranga nin. ¿Talvez ashtahuan ali tiempocuna tucuchunllu shuyana canchi? Caimandaca Bibliapica ¿imatata nin?

 Bibliapica cunan punllacunapi ima pasanatami yachachin:

•   “Shuj shuj ladocunapimi . . . ninan yarjaipash . . . tianga” (Lucas 21:11).

 Ninanda rupashpa na tamiajpica micunami na tian. Bibliapica micuna na tiaimanda gentegucuna yarjaimanda huañunatami nin (Apocalipsis 6:6, 8).

 Bibliapica imamanda na tamiajtami yachachin:

•   “Runapaj causaica na paipajchu” (Jeremías 10:23).

 Gentecunaca paicunapa causaita na mandai ushaimandami imatapash na aliguta ruraita ushan. Gentecuna yapata cai alpata mapayachimandami yapata indishpa na tamian.

•   Ashtaca cientificocunaca gentecunapa culpamandami yapata rupashpa na tamian nin, chaimandami mundo enteropi na tamian.

•   ¿Imamandata yacucunaca ashtahuan chaquishpa catijun? Gentecunaca culquimandallami jipa punllacunapi ima pasanata na pensarishpalla bosquecunata tucuchin, ñucanchi alpatapash dañan, yacuta o shuj cosascunatapash naliguta utilizan. Chaimandami pugyu yacucunapash chaquita ushan.

 Bibliapica jipa punllacunapi ali causaigu tiana esperanzatami yachachin.

 Bibliapica Taita Dios yacu ama tucurichun imata ruranatami yachachin.

1.  1. Taita Diosca “cai alpata huaglichinajujcunata” tucuchingami (Apocalipsis 11:18). Yacu faltajlla causaita, shinallata culquimandalla cai alpata dañaj gentecunatapash tucuchingami (2 Timoteo 3:1, 2).

2.  2. “Chaquishca pushtupica yacumi cuchayanga” (Isaías 35:1, 6, 7). Na tamiaimanda cai alpa huaglishcatapash Taita Diosca alichingami. Cai alpata shuj paraisota rurajpimi yacupash na faltanga.

3.  3. “Cai pachata ricuj shamushpami tamiachipangui. Shina rurashpami, ninandapacha fucuchingui” (Salmo 65:9). Taita Dios bendiciajpimi cai alpapi gushtu micunacunata, limpio yacuta charishun.