Viernes 24 de noviembre de 2017​tami Roma llactapica “Yahuarta na churarishpa operangapaj munaj pacientecunapaca ¿shuj tratamientocuna tianllu? Blood Save 2017” nishca conferenciata curca. Chai conferenciata uyangapami alipacha yachaj doctorcuna, bioética nishcata yachajcuna, gentecunapa derechomanda yachajcunaca uyangapaj rirca. Italia llactapa Universidad de Paduapi chai conferenciata cui ushachunga Ministerio de salud, shinallata Italia llactapi medicinamanda yachaj 25 yali asociaciongunami apoyarca.

Ashtaca huatacunatami pacientecunapa causaita salvangapaca yahuarhuan operaciongunata ruranaca minishtirishca cashcatapachami yuyashca. Cai yuyaimanda conferenciapi parlajpica, Hospital de Roma llactamanda doctor Luca Weltert cirujano cardiotorácicoca cashnami nirca: “Cunanbica yahuarhuan operaciongunata ruranaca peligroso cashcatami ricushcanchi. Shinallata huaquin operaciongunapica yahuarhuan operanaca na minishtirinllu”.

Doctor Weltert, shinallata conferenciaman rishca shuj doctorcunapash yahuarhuan operana peligroso cashcataca paicuna ashtaca experienciata charimandami chashna yuyan. Shinallata yahuarhuan operashca pacientecuna ashtahuan huañushpa mirashcata ricushpa, nanaicunapash cutin tigrajta ricushpa, shinallata na utica ali tucujta ricushpami yahuarhuan operaciongunata rurana nali cashcataca cuenta japishca. a

Yahuarhuan operacionda rurana nali cashcata estudiashpa, shinallata yahuarhuan operana yapa valishca cashcata ricushpami 2010 huatapica Organización Mundial de la Saludca pacientecunapa salud ali cashcata ricuna, shinallata hospitalcunapi yahuarhuan operanapa randi shuj shuj tratamientocunata mascana ali cashcata ricurca. Organización Mundial de la Saludca 193 hospitalcunatami yahuarhuan operanapa randi shuj shuj tratamientocunata mascachun nirca.

Hospital Universitario Sant’Andrea de Romamanda profesora Stefania Vaglioca “pundaca operangapaca donashca yahuartami utilizan carcanchi” ninmi. “Pero cunanga cambiashcami donashca yahuarta operacionba utilizanapa randica cunanga pacientepa yahuartallatami imata ruranataca ricunchi” ninmi. Pacientepa yahuartallata utilizangapaj munaimandami “operacionbi pacientepa yahuar ama yapata llujshichun, shinallata pacientepa yahuar imapash amatucuchunmi ricuriashun”. Profesora Vaglioca caitapashmi nirca: “Pacientepa yahuartallata aliguta cuidashpaca ashtahuan ali tratamientomi can”.

Cirujano general del Hospital Universitario de Veronamanda doctor Tommaso Campagnaroca yahuarhuan operaciongunata ama rurangapaca shuj shuj tratamientocunata mascanaca alipacha cashcatami nirca. 1990 huatapi vijsata cuchushpa operacionda rurashca pacientecunamandaca shuj estudiota rurashcata ricushpaca doctor Campagnaroca nircami: “yahuarhuan operaciongunata na rurashca pacientecunaca alimi llujshishca. Cutin yahuarhuan operacionda rurashca pacientecunaca huaquin llaquicunatami charishca”.

Doctor Campagnaro, shinallata shuj doctorcunapashmi yahuarhuan operaciongunata ruranapa randi shuj shuj tratamientocunata mascachun ayudashcamandami testigo de Jehovacunataca ninanda agradicirca. Asociada de Derecho Médico de la Universidad de Paduamanda profesora Anna Aprileca cashnami nirca: “Testigo de Jehovacunataca ninandami agradicinchi, yahuarhuan operaciongunata na chasquingapaj munaimandami doctorcunataca yahuarhuan operacionguna nali cashcata cuenta japichun, shinallata huaquin operaciongunapash yahuarhuan operana na minishtirishcata cuenta japichun ayudashca”.

Chai conferenciapica anestesiología, cardiología, ginecología, hematología, oncología, shinallata ortopediata yachaj doctorcunami chaipica carca. Chaipi cashca tucuilla doctorcunami, yahuarhuan na operaj clinicacuna imata nijta ricushpa shinallata experianciata charij doctorcuna imata nijta ricushpami sistema sanitario nishcapi trabajajcuna, legisladores nishcacuna, shinallata tucuicunatallatami pacientepa yahuarhuanllata shuj shuj tratamientocunata rurana ali cashcata intindina can ninmi.

Doctor Weltertca cashnami nin: “Shuj cirugía jipa disección de la aorta nishca ali tucuchun ricurianaca na fácil canllu. Chai cirugiata yahuar illa rurashpaca shuj operaciongunatapash yahuar illa operaita usharingallami”.