9 de junio de 2023 huatapica, Traducción del Nuevo Mundo de las Escrituras Griegas Cristianas Bibliami náhuatl del centro y purépecha shimipi llujshirca. Ishcandi shimicunapimi ‘Pacienciata charinami capanguichi’ nishca Asamblea Regionalpa primer punllapi llujshirca. Cai alipacha noticiamandaca caipimi ashtahuan liita ushapangui.

Comité de Sucursal de Centroamericapi sirvij huauqui Sean Scribnermi Escrituras Griegas Cristianas Biblia náhuatl del centro shimipi llujshirca nishpa villarca. Cai shimipi asambleaca estado de Puebla (México) llactapimi carca. Chaipica 1.474 gentecunami tandanajurca. México llactapica más o menos 500 mil gentecunami náhuatl del centro shimitaca parlan. Ashtahuanbachaca chai llactapa sur y centromanda 7 estadocunapimi chai shimitaca ashtahuan parlan.

Traductorcunaca náhuatl del centro shimita parlaj gentecuna fácil intindinalla yuyaicunata, cunanbi imashina parlajta aliguta ricushpami traducirca. Ashtahuanbash Traducción del Nuevo Mundo de las Escrituras Griegas Cristianas Bibliaca, paginacuna urapica notacunatami charin. Chai notacunaca diferente dialectocunapi importate yuyaicunata explican. Ashtahuanbachaca Taita Diospa shuti Jehová maipi tiana pushtucunapimi churashca.

Comité de Sucursal de Centroamericapi sirvij huauqui Curtis Millsmi Escrituras Griegas Cristianas Biblia purépecha shimipi llujshirca nishpa villarca. Cai shimipi asambleaca Mexicopa estado de Michoacán llactapimi carca. 662 gentecunami tandanajurca. México llactapica 175 mil yali gentecunami purépecha shimitaca parlan. Cutin Estados Unidos llactapica más o menos 60 mil gentecunami cai shimitaca parlan nin.

Purépecha shimipica Escrituras Griegas Cristianasmandaca shuj traducciongunapashmi tian. Shinapash antiguo shimicunapi traducishca caimandami na fácil intindirin. Ashtahuanbash Bibliapi yachachishcacunataca na cabalta intindichinllu. Por ejemplo, Juan 10:30​pica shuj Bibliaca cashnami nin: “Ñucapash Taita Diospash shujllami canchi” nishpa. Shinapash, purépecha shimipi Traducción del Nuevo Mundo de las Escrituras Griegas Cristianas Bibliapica ninmi: “Ñuca y ñuca Taitahuanga shujllashnami canchi” nishpa. Shinami, Jehová y Jesús tucui ruraicunapi shujllashna cashpapash, na shujlla persona cashcata aliguta intindichin.

Ñucanchi oraciongunapica cai mushuj traduccionguna ashtaca gentecuna Jehová Diosmanda yachajushpa paita adorachunmi mañapanchi (Isaías 2:3).