Bann vidéo ke lé fé pou nout bann zasanblé réjional i touch vréman nout keur, é i èd anou konprann ankor mieu bann zansègnman la Bib. Dann lasanblé réjional 2020 « Mont ke zot keur lé toultan kontan ! » lavé 114 vidéo, anparmi lavé 43 diskour fé par bann frèr Kolèj santral é zot zasistan. Èske ou la finn demann aou, kèl kantité travay la demandé pou fé tout se bann vidéo la é konbien tousa la kouté ?

 Na prèsk 900 frèr é seur dan l’monn antié la donn zot tan é zot kapasité pou gingn fé se program la. O total, la falu prèsk 100 000 eur su 2 zan pou fé travay la. É pou fé le fim ki dur 76 minut Néémi : « Le gran kontantman dann keur ke Jéova i aport, lé in fors pou zot » la utiliz 70 000 eur su tout bann zeur la.

 Mé zot i majin azot bien ke tousa i kout in moné : té falé donn bann volontèr manjé, in landroi ousa dormi, in landroi ousa travayé, mé osi matéryèl é tout sak zot lavé bezoin pou bien travay.

 Frèr Jared Gossman, ke lé volontèr sèrvis odio-vidéo, i ésplik : « Le Komité pou lansègnman, inn anparmi bann komité Kolèj santral, i ve vréman ke nout bann vidéo i mont tout kalité kultur é tout kalité péi. Sé in bon fason montré ke nout fami de frèr é seur lé partou dan le monn. Sé pousa, pou fé se projé la, la utiliz 24 zékip dan 11 péi pou travay ansanm. Pou ke tout la bann i gingn travay avèk, té falé in takon moiyin, in bonpe lorganizasion é in bon lantant.

 Pou in bonpe nout bann vidéo, té falé fé bann dékor é bann zaksésoir bien spésial. Par égzanp, pou le fim su Néémi, nou la fabrik bann dékor dann studio Mount Ibo, ke lé a koté Patèrsonn (dan léta Nou Iork). Bann frèr té i ve ke le fim i fé vré é ke té resanm sak té spas lépok Néémi, mé an mèm tan banna té ve fé bien atansion koman té i utiliz larjan bann zofrann. Donk pou reprézant le muray Jéruzalèm dann tan avan, banna la fé bann dékor ke té pa lour. Chak parti lété an boi, té fé 6 mèt de o, desu la mèt la mous ke la pèn pou fé kroir ke té galé. Té donk fasil bouj le bann mur é utiliz azot pluzieur foi, gras sa, lavé pa u bezoin fé dot dékor. Mé mèm sa, rienk pou fé le fim tout bann dékor la kout prèsk 100 000 dolar a.

 Konèt tousala i rann anou ankor plus rekonésan pou tout le program lasanblé réjional sèt ané. Avèk tou le travay ke la été fé pou se lasanblé la, nou lé sur ke demoun dann monn antié va loué Jéova zot tout ansanm pou remersié ali. Nou ve vréman di azot mèrsi pou tout bann zofrann ke zot i fé avèk gran keur pou laktivité mondial kisoi su le sit donate.mr1310.com é dot fason ankor.