La Bib i di anou ké « la mèt [Jézu] a mor dan la chèr, mé la fé roviv ali dan lèspri » (1 Pièr 3:18; Akt 13:34; 1 Korintien 15:45; 2 Korintien 5:16).

 Jézu li mèm la èspliké ké li sré pa résusité èk son kor la chèr. Li la di komsa « pou ké lo monn i viv, [li noré done son] kor », kom in ranson pou tout domoun. (Jan 6:51; Matié 20:28) Si kan li la résusité, li lavé ropran son kor la chèr, son sakrifis noré pu été valab. Mé sé pa sa k’la arivé, parské la Bib i di k’li la done son chèr èk son san « in foi pou tout » (Ébré 9:11, 12).

Si Jézu la résusité kom in lèspri, koman son bann disip la gingn oir ali ?

•  Bann zanj i gingn pran la form in moun. Par égzanp bann zanj, dann tan lontan, la déja fé sa. Néna mèm détroi la manjé é la boir èk bann domoun (Jénèz 18:1-8; 19:1-3) Mé zot té i rès bann zanj, ké té kapab kit la tèr pou rotourn dann sièl. (Juj 13:15-21).

•  Apré k’li té fine résusité, Jézu osi la pran pou in tan, in kor la chèr k’i gingn oir, kom bann zanj lavé fé avan. Kom li té in lanj, li té kapab aparèt oubien disparèt kan li té i vé. (Luk 24:31; Jan 20:19, 26) Mé li té pran pa chak foi lo mèm kor. Sé pousa ké mèm son bann pli proch dalon la gingn rokonèt ali, rienk kan li la kozé ou kan li la fé in zafèr. (Luk 24:30, 31, 35; Jan 20:14-16; 21:6, 7).

•  Parské Toma, in zapot, té vé pa kroir k’Jézu té resusité. Pou rand son foi pli for, Jézu la aparèt dovan li, èk in kor ousa navé bann mark son bann blésur. (Jan 20:24-29).