Jézu la pa donn lord son bann disip fé zanfan ou pa. É na poin inn anparmi son bann disip la inpoz sa nonplu. La Bib i di pa klèrman ke lé mal désid konbien ni kansa i fo fé marmay. Pou se késtion la, bann krétien i réfléchi èk sèryeu su vèrsé la Bib la : « Chakèn d’nou va rann kont Bondieu pou li mèm » (Romin 14:12).

 Donk, in mari èk son madam, i pe choizi si zot nora zanfan ou pa. É na rienk azot osi, ki désid kansa é konbien zanfan zot nora. Sé pousa, ansèrv in moiyin ki fé pa tonm ansint mé ki tué pa le ti bébé ke lé déja dann vant, sé zot désizion azot. Sé zot ki pran zot résponsabilité é okin moun i devré juj azot (Romin 14:4, 10-13).