O Del kamel, hoj amaro jilo te radisaľol le dživipnastar pre phuv. Stvorindžas e phuv the savoro, so hin pre late le manušenge, bo len rado dikhel. So neksigeder dela amen šukar dživipen bijo pharipen. Pregenen Jeremiáš 29:11.

Ňisavi vlada dži akana našťi zaačhavel nalačhipen, nasvaľiben the meriben. Lačho hiros hin, hoj le Devleskri vlada so neksigeder odčhivla savore manušengre vladi. Tel kadi vlada ena o nipi bachtale, ela lenge mište pro jilo the ena saste. Pregenen Izaiáš 25:8; 33:24; Daniel 2:44.

Savoro pharipen imar na ela akor, sar o Del odčhivla le manušen, so keren nalačhipen. (Sofoniáš 2:3) Kana ada kerla? Imar čirla sas pisimen andre Biblija, savo pharo dživipen ela andre amare dživesa. Ada, so pes kerel andro svetos, sikavel, hoj imar sig kerla o Del porijadkos, hoj te preačhel savoro nalačhipen. Pregenen 2. Timotejovi 3:1–5.

Te sprindžarel le Devles andal leskro Lav, Biblija. Kadi kňižka hiňi sar o ľil, so chudňam le jileskre dadestar. Dodžanas pes latar, sar šaj amen el imar akana lačho dživipen a sar šaj dživas pre phuv bachtales pro furt. Na sako ela rado, hoj tumenge vareko pomožinel te achaľol la Biblijake. Ma preačhen te sikhľol pal o lačhipen, so prekal amende kamel te kerel o Del. Pregenen Príslovia 29:25; Zjavenie 14:6, 7.