LEKCIJA 4
Ko hino džido Del?
Akorestar, so hine manuša pro svetos peske keren sochi a modľinen pes ke lende. Aľe e Biblija vakerel, hoj ča jekh Del „hino upral savore devla.“ (2. Kroník 2:5) Ko oda hin? A soske hino nekbareder upral savore devla, so hine pro svetos? Andre kadi lekcija sikhľuvaha, so phenel o Del korkoro pal peste.
1) Sar pes o Del vičinel? Kamel, kaj te džanas leskero nav?
Andre Biblija o Del korkoro pal peste phenel, ko hino. Phenel amenge: „Me som o Jehovas. Ada hino miro nav.“ (Pregen Izaiáš 42:5, 8) O nav „Jehovas“ hin andal e židoviko čhib, so znameňinel „kerel, kaj pes te ačhel“. O Jehovas kamel, kaj te džanas leskero nav. (2. Mojžišova 3:15) Soske oda šaj phenas? Andre Biblija hin leskero nav pisimen pro buter sar 7000 thana! a Ča džido Del pes vičinel Jehovas, bo ov hino „čačikano Del upre pro ňebos the tele pre phuv.“ (5. Mojžišova 4:39)
2) So la Biblijatar džanas pal o Del Jehovas?
O manuša pes modľinen ko but devla, aľe džido Del hino ča o Jehovas. Pro Jehovas nane. Ov korkoro hino „Nekbareder upral caľi phuv.“ (Pregen Žalm 83:18) Soske? Bo peskera bara zoraha šaj kerel savoro, so kamel. Kerďa savoro – calo vesmiris the o dživipen pre phuv. (Zjavenie 4:8, 11) A tiš hino Nekbareder vašoda, bo les ňiko na kerďa. Furt sas a furt ela. (Žalm 90:2)
DODŽAN TUT BUTER
Andre soste hin aver, te le Devleske phenas: Devla, Rajeja a te phenas Jehova. Sar o Del diňa te džanel peskero nav? A soske kamel tutar, kaj les te vičines pro nav?
3) Šaj leske phenes Devla, Rajeja – aľe leskero nav hin ča jekh
Dikh tuke buter pal o Devleskero nav. Mukh o VIDEJO a vakeren jekhetane.
-
Soske hin aver, te phenes „rajeja“ a te phenes leskero nav?
E Biblija phenel, hoj o manuša pes modľinen ko but devla. Pregen Žalm 136:1–3 a vakeren jekhetane.
-
Ko hin upral savore devla the raja?
4) O Del kamel, kaj les te vičines Jehova
Khatar džanes, hoj o Jehovas kamel, kaj te prindžares leskero nav? Mukh o VIDEJO a vakeren jekhetane.
-
Soske o Jehovas kamel, kaj te džanes sar pes vičinel?
O Jehovas kamel, hoj te vakeras leskero nav. Pregen Rimanom 10:13 a vakeren jekhetane.
-
Soske kamas te vičinel le Devles Jehova?
-
Sar hin tuke, te vareko na bisterel a phenel tuke pro nav?
-
Sar hin le Devleske, te leske phenes Jehova?
5) O Jehovas tut igen rado dikhel
E džuvľi Soten la Kambodžatar ňigda na bisterela, so laha kerďa, sar šunďa Devleskero nav Jehovas. Mukh o VIDEJO a vakeren jekhetane.
-
Sar pomožinďa la Soten, hoj sikhľolas pal o Devleskero nav?
Sar varekas kames te sprindžarel, peršo phučes sar pes vičinel. Pregen Jakub 4:8a a vakeren jekhetane.
-
So tuke phenel o Jehovas?
-
Soske buter kameha le Jehovas, te sprindžareha leskero nav?
VAREKO ŠAJ PHENEL: „Hin jekh sar phenas le Devleske, bo ov amen the avka šunel.“
-
Paťas, hoj o Del pes vičinel Jehovas?
-
Sar avreske phenďalas, hoj o Del kamel, kaj les te vičinas Jehova?
SO SIKHĽIĽAM
O džido Del pes vičinel Jehovas. Korkoro kamel, kaj te prindžaras a vakeras leskero nav. Ča avka les kamaha mek buter.
So bi phenehas
-
Andre soste hin o Del Jehovas aver, sar o devla, so hin le manušen?
-
Soske vičinas le Devles naveha?
-
So kerďa o Jehovas, kaj les feder te sprindžares?
DIKH TUKE BUTER
Pregen tuke, soske šaj paťas, hoj o Del čačes hino.
Pregen tuke, či le džide Devles vareko kerďa.
Pregen tuke, soske hin lačhes te vakerel le Devleskero nav.
Hin jekh sar vičinas le Devles? Pregen tuke, hoj le Devleske oda nane jekh.
a Te kames buter te džanel pal o Devleskero nav a soske andre aver Bibliji nane, dikh Dodatok A4 andre Biblia – Preklad nového sveta.
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
