УРОКО 01
Сыр э Библия можэт тэ кэрэл тыро джиипэн фэдыр?
Сарэ мануша думинэн пал джиипэн, пал биды, мэрибэн и будущё. Адякэжэ амэ думинас пал повседневна вопросы, например, сыр тэ смарэс ловэ про джиипэн и сыр тэ кэрэс пэскири семья бахталы. Бут мануша лакхнэ дрэ Библия не только ответы прэ пхарэ вопросы, нэ и лаче советы ваш пэскиро джиипэн. А со ту думинэс: можэт ли Библия тэ поможинэл манушэнгэ?
1. Прэ савэ вопросы э Библия дэл ответы?
Дрэ Библия ту лакхэса ответы прэ важна вопросы: кацыр лэяпэс джиипэн? Саво смысло дро джиипэн? Соскэ лаче мануша попэрэн дро биды? Со кэрэлпэс кэдэ мануш мэрэл? Если сарэ мануша камэн тэ дживэн дро миро, то соскэ онэ постоянно кэрэн марибэна? Со дужакирэл пхув? Э Библия ракирэл, со исыс бы куч тэ задас пэскэ вопросы, и миллионы манушэн ужэ лакхнэ ответы дрэ адая книга.
2. Сыр э Библия поможинэл амэнгэ кажно дэвэс дрэ амаро джиипэн?
Дрэ Библия исы бут лаче советы. Например, дрэ латэ ракирэлпэс сыр семья можэт тэявэл бахталы. Дрэ латэ роспхэнэлпэс сыр тэ пиридживэс стрэссо и сыр тэ покамэс буты, сави ту кэрэс. Кэдэ лэна обсуждать адая книга ту уґалёса сыр э Библия поможинэл дрэ адалэ и явир вопросы. Ту полэса, со «саро со дро Писаниё [саро со зачиндло дрэ Библия]... полезно» (2 Тимофею 3:16).
Адалэ уроки напарувэн э Библия. Онэ поможинэна фэдыр тукэ тэ полэс э Библия. Пожалуйста, прогин стихи э Библиятэр, савэ исы дрэ кажно уроко, и сравнивай одолэса, со ту уґалёс.
УҐАЛЁВ БУТЫР
Давай поракираса, сыр э Библия поможиндя разнонэ манушэнгэ, и сыр тэ кэрэс адя, собы ла тэявэл интересно тэ гинэс и соскэ чеинэ, собы конта тэ поможинэл тукэ тэ полэс ла.
3. Э Библия поможинэла тэ джял пиро джиипэн
Э Библия ада сыр фанарико. Ей поможинэл тэ прилэс правильна ришении и тэ дыкхэс со дужакирэл тут ангил.
Прогинэн Псалом 119:105 и роскэдэн вопросы:
-
Сыр мануш саво пхэндя адалэ лава отлыджялпэс кэ Библия?
-
Сыр ту отлыджяспэс кэ Библия?
4. Дрэ Библия исы ответы прэ тырэ вопросы
Екх джювли лакхтя ответы дрэ Библия про вопросы савэ надэнас лакэ покоё бут бэрш. Подыкхэн ВИДЕО и роскэдэн вопросы.
-
Савэ вопросы исыс кэ джювли дрэ адава видео?
-
Сыр лакэ поможиндя одова, со ей сыклёлас пирэ Библия?
Э Библия ракирэл, со исыс бы куч тэ задас вопросы. Прогинэн Матфея 7:7 и роскэдэн:
-
Прэ савэ тырэ вопросы ту камэс тэ уґалёс ответы э Библиятэр?
5. Можно интереснэс тэ гинэс э Библия
Бут мануша савэнгэ интересно тэ гинэн э Библия и онэ дрэ латэ лакхнэ ваш пэскэ бут со лачё. Подыкхэн ВИДЕО и роскэдэн вопросы.
-
Со тэрнэ мануша ракирэн дрэ адава видео пал чтениё?
-
Соскэ лэнгэ накамэлпэс тэ гинэн сота, нэ лэнгэ камэлпэс тэ гинэн э Библия?
Дрэ Библия можно тэ лакхэс утешениё и надежда. Прогинэн Римлянам 15:4 и роскэдэн вопросо:
-
Камэс ли ту тэ уґалёс, сыр э Библия можэт тут тэ подрикирэл и тэ дэл тукэ надежда?
6. Собы тэ полэс э Библия, чеинэ собы конта тэ поможинэл тукэ
Бут кон ракирэл, со исыс бы куч не только, кэдэ ту кокоро гинэс. И кэдэ обсуждаешь э Библия явирэнца. Прогинэн Деяния 8:26—31 и роскэдэн:
-
Со поможинэла тэ полэс э Библия? (Дыкхэн стихи 30 и 31.)
Барэ раскэ с Эфиопии чеинэ было помощь, собы тэ полэс Свэнто Писаниё. Дадэвэс бут кон тожэ ракирэн пал Библия явирэнца
КОНТА МОЖЭТ ТЭ ПХЭНЭЛ: «Со тэ сыклёс пирэ Библия — ада зря тэ нашавэс о времё».
-
Сыр бы ту пхэнэсас? Соскэ?
ПОВТОРЕНИЁ
Дрэ Библия можно тэ лакхэс советы прэ кажно дэвэс, ответы прэ важна вопросы, адяжэ утешениё и надежда.
Ваш обсуждениё
-
Сыр дро джиипэн э Библия можэт тэ поможинэл тукэ?
-
Прэ савэ вопросы э Библия дэл ответы?
-
Со ту камэс тэ уґалёс э Библиятэр?
ДЫКХ БУТЫР
Прогинэн пал одова прэ кэцык полезна советы э Библиятэр.
«Советы про саро времё» («Сторожевая башня» № 1 пал 2018 бэрш)
Подыкх видео сыр э Библия, поможиндя муршэскэ, савэстэ с детства исыс эмоциональна проблемы.
Уґалёв пал одова сыр э Библия можэт тэ поможинэл семьякэ.
«12 советов, собы тыри семья тэявэл бахталы» («Пробудитесь!» № 2 пал 2018 бэрш)
Уґалёв пал одова, со роспхэнэл э Библия кон правинэл адалэ мироса.
