Ако мангаја те радујна е Јехова, амен ваљани те шуна лескере чхаве. Англедер те керел е Адаме, о Јехова керѓа пе чхаве ко небо сар јекх бут моќно ангели.

Пало несаво време, о Јехова бичхалѓа ле ки Пхув те овел бијамо ко Витлеем тари јекх чхај, и Марија. Лескоро анав сине Исус (Јован 6:38).

Сар мануш ки Пхув, о Исус најшукар сикавѓа е Јеховаскере особине. Ов сине шукар, љубезно хем сариненге сине локхо те керен леа лафи. Ов храбро вакерела сине е јаверенге о чачипе башо Јехова.

О Исус исто аѓаар сасљарела сине насвален хем ваздела сине несавен со муле.

О религиозна водачија мрзинена сине е Исусе адалеске со ов вакерела сине кај адава со сикавена тано ховавно хем кај лошно постапинена.

О религиозна водачија чхивѓе е Римјанен те марен е Исусе хем те мударен ле.