Петок, 24 февруари 2023 берш, ка накхел јекх берш сар почминѓа и страшно војна ки Украина. Спрема несаве извештаија, џи акана сине мударде или раниме околу 300.000 украинска хем руска војникија, хем мислинела пе кај околу 30.000 цивилија муле ки војна. Ама, о број таро жртве шај те овел панда побаро.

 Жално тано со изгледа акаја војна нане сигате те завршинел.

•   „Накхља скоро јекх берш откеда и руско војска кхувѓа ки Украина хем панда ништо на сикавела кај акаја војна ка завршинел сигате. Мислинела пе кај ни јекх страна нане те побединел, а ни палем кај ка аракхел пе решение башо кова со солдуј стране ка согласинен пе“ (National Public Radio, 19 февруари 2023).

 Нормално тано со бут мануша осетинена пе тажна баши дукх хем о муке со анела акаја хем јавера војне е манушенге со нане крива. Сави надеж дела и Библија? Дали некогаш ка авел крајо е војненге?

 Ки Библија керела пе лафи баши јекх војна која со нане те уништинел, него ка спасинел е манушен. Акаја војна тани познато сар Армагедон хем тани опишими сар „војна со ка овел ко баро диве е Семоќно Девлескоро“ (Откровение 16:14, 16). Акале војнаја, о Девел ка уништинел са о манушикане владе, кола со керена те овен асавке страшна војне. Те шај те дознајне сар о Армагедон ка анел чачутно хем трајно мир, читин акала статие:

•   “Што е Армагедон?“

•   “О Армагедон — берекети е манушенге!”