„Те авел тло царство“ — молитва вакерди таро милиоња мануша
Веконцар милиоња мануша молинѓе пе е лафенцар „те авел тло царство“. Соске молинена пе аѓаар? Адалеске со о Исус вакерѓа пле следбениконге те молинен пе башо е Девлескоро Царство.
Ко почеток е Исусескере следбеникија на халиле са о буќа со вакерѓа лен башо Царство. Ки јекх прилика ола пучле ле: „Господаре, дали ко акава време ка обновине о царство е Израелеске?“ Веројатно, ола сине изненадиме со о Исус на денѓа лен директно одговор (Дела 1:6, 7). Дали адава значинела кај нашти те џана сој тано е Девлескоро Царство хем кеда ка авел? Ни најхари!
Акава број тари Стражарско кула ка поможинел туке те добине о одговорија ко акала пучиба:
Соске ваљани аменге е Девлескоро Царство?
Кој тано о Цари ко е Девлескоро Царство?
Кеда е Девлескоро Царство ка почминел те владинел упри Пхув?
Со ка керел е Девлескоро Царство?
Соске ваљани те поддржина е Девлескоро Царство панда акана?
Сој тано е Девлескоро Царство?
Шај исто ка интересинел тут
ОСНОВНА БИБЛИСКА СИКЉОЈБА
Сој е Девлескоро Царство?
Џикоте сине о Исус ки служба, ов керела сине највише лафи башо е Девлескоро Царство. Веконцар, лескере ученикија молинена пе сине те авел о Царство.
