Uvod bašo 2 delo
Soske ko purano vreme o Jehova uništingja o sveto potopea? Otkeda kergja e prvo manušen, počmingja jekh vojna maškar o šukar hem o lošno. Nesave manuša, sar soj o Adam, i Eva hem lengoro čhavo o Kain, biringje o lošno. A javera, sar soj o Avel hem o Noe, biringje o šukar. Ama, poviše manuša ule doborom lošna so o Jehova mora sine te uništinel len. Akava delo ka pomožinel amenge te sikljova kaj o Jehova dikhela so ka birina hem kaj nikogaš nane te dozvolinel o lošnipe te pobedinel o šukaripe.
KO AKAVA DELO
3 LEKCIJA
O Adam hem i Eva na šungje e Devle
Soske jekh taro sa o kašta ki edensko gradina sine posebno taro javera? Soske i Eva halja taro adava kaš?
4 LEKCIJA
I holi šaj te ovel but opasno
O Devel prifatingja e Aveleskiri žrtva, a na e Kaineskiri. Keda o Kian dikhlja adava, but holjangja hem kergja nešto but strašno.
5 LEKCIJA
E Noeskiri arka
Keda o lošna angelija lele peske romnja ki Phuv, ola sine len čhave so sine sar džinija. O lošnipa sine segde. Ama o Noe sine javer čhane, ov mangela sine hem šunela e Devle.
6 LEKCIJA
Ofto džene spasingje pe ko Potop
Ko Potop dengja bršim 40 dive hem 40 rakja. O Noe hem leskiri familija ki arka sine poviše taro jekh berš. Ko krajo, o Devel vakergja lenge te ikljon latar.
