TE POČMINA RAZGOVORIJA
LEKCIJA 5
Ov taktično
Načelo: „Tumaro lafi sekogaš te ovel ljubezno“ (Kol. 4:6)
So kergja o Pavle?
1. Dikh o VIDEOKLIPI ili čitin Apostolija 17:22, 23. Palo adava razmislin bašo akala pučiba:
-
a) Sar osetingja pe o Pavle keda dikhlja kaj but manuša verujnena ki hovavni religija? (Dikh Apostolija 17:16.)
-
b) Namesto te osudinel len, sar o Pavle koristingja lengere veruvanja te šaj te vakerel lenge o šukar haberi?
So sikljovaja taro Pavle?
2. Pobari tani i šansa o manuša te šunen amen ako šukar razmislinaja so, sar hem keda ka vakera nešto.
Dža palo e Pavleskoro primer
3. Šukar razmislin so ka vakere. Na primer, ako kerea nekasaja lafi so nane tari nesavi hristijansko religija šaj ka valjani te koristine javera lafija baši Biblija ili bašo Isus.
4. Ma popravin odma e manuše. Mukh te vakerel so mislinela. Ako vakerela nešto kova soj pojaver taro bibliska sikljojba, ma akoš tut lea (Jak. 1:19). Ako šukar šunea le ka doznajne ko so verujnela hem soske verujnela ko adava (Izr. 20:5).
5. Probin te arakhe nešto bašo so šaj te soglasine tut lea ili te pofaline le. Ov šaj iskreno verujnela kaj adava so sikavela leskiri religija tano čače. Probin te kere lea lafi bašo zaednička teme. A palo adava, hari po hari pomožin leske te haljovel so čače sikavela i Biblija.
DIKH HEM:
Izr. 25:15; 2. Tim. 2:23-26; 1. Pet. 3:15
