О Исус пхенгяс пе последователенге: „Нека тумари светлина светинел англал о мануша, за те дикхен тумаре лачше дела тай те прославинен тумаре Дадес, ковато си андо небес“. (Матей 5:16) За те керас давкха използвинас о съвременна технологиес, включително о интернет. Амаро уебсайти jw.org си о официално онлайн източники, кате ащи те аракхел пес информация далкхеске со верувинен е Йеховаскере Свидетеля тай сави си ленгери дейност. Со точно ка аракхес отхе?

Библиякере отговоря въпросиенге, колато о мануша често заден. Ащи те аракхес о отговоря десаве важноне въпросиенге, колато о мануша заден песке отдавна. Например, о трактатя „Ка свършинен ли декхана о страдания?“ тай „Наистина ли о муле ащи те живинен отново?“, колато ащи те аракхес онлайн на над 600 езика. Също ащи те аракхес о „Превод на новия свят“ на над 130 езика тай различна помагала, за те сикльовел пес и Библия, сарто о лил „Со наистина сикавел и Библия?“ (дасиканес), тай о списания „Стражева кула“ тай „Пробудете се!“ е последноне масекиенге. Бут далкхе изданиендар ащи те четинен пес или те шунен пес онлайн или ащи те ухлявен пес андо MP3, PDF или EPUB формат. Дори ащи те отпечатинес неколко страницес десаве изданиестар чшибате, която хоратинел декхой, ковато интересувинел пес тари истина! Иси на разположение видеоиздания–да буте жестомимичноне чшибенде. Ащи те ухлявес библейска аудиодрамес тай драмес, сарто шукар музика–да, която ащи те шунес кана иси тут свободно време.

Достоверно информация е Йеховаскере Свидетеленге. Андо сайти иси о последна новини тай видеоклиповя относно амари световно дейност, събития, колато си важна е Йеховаскере Свидетеленге тай и хуманитарно помощ, която организиринас. Освен далкхесте ащи те аракхес информация конгресиенге, колато ка овел амен тай далкхеске сар те свържинес тут амаре клоновиенца ко цело светос.

Чука и светлина е истинаке ресел жи ко най–отдалечиме крайща е пхувякере. Давкха анел полза манушенге таро секо континенти, даже тари Антарктида. Молинас амен „е Йеховаскоро Слово те напредвинел сиго“ ки цело пхув, за те прославинел пес о Дел. (2 Солунци 3:1)

• Сар о уебсайти jw.org помагинел по–буте манушенге те ахальовен и истина е Библиякери?

• Со мангес те раздикхес ко уебсайти е Йеховаскере Свидетеленгоро?