Сави си е Девлескери воля?
О Дел мангел те овел амен мири тай щастие, като живинас вечно андо рай ки пхув!
Ама ащи те пучес тут: „Сар ащи те ачшол давкха?“ И Библия пхенел, кай е Девлескоро Тхагарипе ка керел лес. Е Девлескери воля си саворе мануша те сикльовен лескере Тхагарипнаске тай те ахальовен саво си лескоро намерение аменге. (Псалм 37:11, 29; Исаия 9:7)
О Дел мангел те овел амен о най–лачшо животос.
Сарто йекх любещо дад мангел о най–лачшо пе чшавенге, чука амаро небесно Дад–да мангел те овел амен вечно щастие. (Исаия 48:17, 18) Ов обещингяс, кай „давкха, ковато керел е Девлескери воля, ачшол завинаги“. (1 Йоан 2:17)
О Дел мангел те „пхирас ко пътекес лескере“.
И Библия пхенел, кай амаро Създатели мангел те „сикавел амен пере дроменде“, за те „пхирас ко пътекес лескере“. (Исаия 2:2, 3) Ов организирингяс „народос пере алавеске“, ковато те известинел лескери воля ки цело пхув. (Деяния 15:14)
О Дел мангел те поклонинас амен леске обединено.
Вместо те разделинел е манушен, о истинско поклонение е Йеховаске обедининел лен чрез искрено любов. (Йоан 13:35) Кола мануша авдиес сикавен мрушен тай жувлиен ко цело светос те служинен е Девлеске обединено? Кайка брошура ащи те помагинел туке те ахальовес о отговори.
Разгледай също
АМЕНГЕ
Сар керел пес йекх изучаване е Библиякоро?
Ко цело светос е Йеховаскере Свидетеля си пенджарде далкхеса кай предлагинен библиякоро изучаване би паренгоро. Дикх сар керел пес.
АМЕНГЕ
Соске те сикльовес и Библия?
Милионя мануша андо светос аракхен отговоря е важноне въпросиенге е животоске анди Библия. Мангес ли те овес йекх лендар?
