О браки създел йекх нево семейство. Въпреки кай винаги ка дехес тай ка уважинес те родителен, вече о най–важно мануш туке, си торо партньори. Ащи те овел трудно тере енданиенге те приеминен давкха. Ама е Библиякере принципя ащи те помагинен туке те овес уравновесено, за те овел тут мири тере енданиенца бискай стараинес тут те изградинес торо нево семейство.

СО ПХЕНЕЛ И БИБЛИЯ: „Почитине те дадес тай те дая.“ (Ефесяни 6:2) Независимо кизоме брешенгоро синян, винаги требинел те почитинес тай те уважинес те родителен. Ма бистер, кай те партньориес–да иси родителя, тай требинел те иринел ленге внимание. „И любов нанай ревниво,“ адалкхеске нисар ма чувствине тут застрашиме таро отношения колато те партньориес иси ленца. (1 Коринтяни 13:4, бел. под линия; Галатяни 5:26)

СО АЩИ ТЕ КЕРЕС:

• Ма хоратин букиенге колато случинен пес подекхана, все едно винаги случинен пес, като например „То семейство винаги унижинел ман“ или „Ти дай нисар на харешинел со керав“.

• Стараине тут те тховес тут те партньориескере тханесте.

СО ПХЕНЕЛ И БИБЛИЯ: „О мруш ка мукел пе дадес тай пе дая тай ка обвържинел пес пе ромняса, тай он ка ачшон йекх плът.“ (Битие 2:24) Кана пранденес, тере родителя ащи те мислинен, кай панда си отговорна туке, тай те манген те ехминен пес те семействосте.

Заедно те партньориеса определинен саве границес те тховен тумаре родителенге, тай любещо хоратинен ленца далкхеске. Овен откровена тай директна, ама без те овен груба. (Притчи 15:1) О смирение, и мекота тай о дълготърпение ка помагинен туменге те изградинен любеща взаимоотношения тумаре енданиенца тай те продължинен те „сикавен търпимост йекх авереске“. (Ефесяни 4:2)

СО АЩИ ТЕ КЕРЕС:

• Ако притеснинес тут далкхеске, кай тумаре енданя ехминен пес, хоратин те партньориеса далкхеске кана синьен спокойна.

• Решинен заедно со ка керен далкхе въпросиеске.