Kobor anava isi le o Devel?
So phenela i Biblija?
O Devel isi le po anav. Ki hebrejsko ćhib odova anav pisini pe štare slovencar יהוה , hem ki amari ćhib vaćeri pe sar Jehova. a Prekalo prorok Isaija o Devel phenđa: „Me hijum o Jehova, odova tano mo anav“ (Isaija 42:8). Oleso anav pojavini pe nakro efta hiljada putija ko purane e biblijake manuskriptija, but pobuter nego li bilo koja aver e Devlesi titula ja bilo kaso anav. b
Da li o Devel isi le avera anava?
Iako i Biblija phenela so o Devel isi le samo jekh anav, oj phenela so ov isi le hem avera titule kola mothovena koj tano ov hem savo tano. Akana ka dikha disave olese titule hem sar svako andi odija titula mothovi amenđe diso ando odova savo tano ov.
Titula |
Stihija ando e Devleso Lafi |
So značini |
|---|---|---|
Alah |
(Nane stih) |
O lafi „Alah“ avela andi arapsko ćhib, odova nane e Devleso anav. Odija titula značini „Devel“. Ked ko e biblijake prevodija ki arapsko ćhib hem ko avera ćhibja koristini pe o lafi „Alah“ odova značini „Devel“. |
Alfa hem Omega |
O lafija „o prvo hem o paluno“ ili „o početko hem o krajo“, mothovena so nijekh Svemoćno Devel na hine angleder o Jehova niti ka ovel palo leste (Isaija 43:10). Alfa hem omega tano o prvo hem o zadnjo slovo ki grčko alfabeta. |
|
Bahtalo Devel |
Ov tano but bahtalo Devel (Psalam 104:31). |
|
Baro Tvorco |
Stvorinđa sa so postojini (Otkrivenje 4 :11) |
|
Dad |
Olestar avela o životi. |
|
Devel |
Samo olese valjani te služina. Niko nane po zoralo olestar. O hebrejsko lafi Elohim tano ki množina hem mothovi so tano o Jehova veličanstveno, uzvišeno hem savršeno. |
|
Devel upro devela |
O Jehova tano vrhovno Devel, a o devela kas o manuša poštujinena „na vredinena“ (Isaija 2:8) |
|
Gospod |
Sa so postojini tano oleso, ki hebrejsko ćhib Adonaj. |
|
Gospod upro vojske ili Gospod Savaot |
Isaija 1:9, Daničić-Karadžić; Rimljanima 9:29, Daničić-Karadžić |
Ov tano Komandanti andi but bari anđeosko vojska. I titula „Gospod Savaot“ prevodini pe hem sar „O Jehova, o Komandanti upro sa o vojske“ (Rimljanima 9:29, Novi svet). |
Grnčari |
Sar so o grnčari isi le moć upri glina, isto ađahar o Devel isi le moć upro manuša hem upro narodija (Rimljanima 9:20, 21). |
|
Izbavitelj, Otkupitelj |
Isaija 41:14, Daničić-Karadžić |
Ov oslobodinđa amen ando greh hem ando meribe ađahar so dinđa pe Ćhave amenđe (Jovan 3:16). |
Kralj andi večnost |
Olesi vladavina nane la ni početko ni krajo. |
|
Ljubomorno |
Izlazak 34:14, dr Lujo Bakotić |
Na podnosini niko te ovel jekh oleja. Akava lafi prevodini pe hem sar „rodela odanost ko sa“ (Novi svet). |
Me hijum kova hijum |
Izlazak 3:14, dr Lujo Bakotić |
O Devel ka ovel sa so valjani te šaj te ispunini pi namera. Akala lafija prevodinena pe hem sar „Ka ovav sa so me mangava te ovav“ (Novi svet). Akava šukar opisujini so značini e Devleso anav Jehova, kova šaj te arakha ko Izlazak 3:15. |
Najbaro |
O najbaro vladari |
|
Najbaro Devel |
Niko nane pobaro olestar. |
|
Najpurano |
O Devel nane le početak. Angleder bilo so te ovel, ov već postojinđa (Psalam 90:2). |
|
Najsveto |
Niko nane sveto hem čisto sar soj tano ov. |
|
Okova kova šunela o molitve |
Samo ov kokri šunela o molitve ando okola kola verujinena upro leste. |
|
Pastiri |
Brinini pe ando okola kola služinena olese. |
|
Suvereno Gospod |
Isi le najbaro autoritet, ko hebrejski Adonaj |
|
Stena |
Ov arakhi pe narodo hem spasini le. |
|
Spasitelj |
Arakhi amen andi opasnost hem ando uništenje. |
|
Stvoritelj |
Sa o buća kola postojinena ov stvorinđa. |
|
Svemoćno |
Olesi moć tani neograničeno. O hebrejsko lafi El šadaj kova prevodini pe sar „Svemoćno Devel“, pojavini pe 7 putija ko e Devleso lafi. |
|
Veličanstveno Učitelj |
Ov sikavi amen hem vodini amen amare šukaripase (Isaija 48:17, 18). |
O anava ando thana ko hebrejska spisija
Disave anava ando thana ki Biblija uključinena e Devleso anav ama odola nane avera anava aso Devel.
O anav ando than |
Stih |
So značini |
|---|---|---|
Jehova-Jire |
„O Jehova ka pobrinini pe“. |
|
Jehova-Nisi |
„O Jehova tano mi zastava“. O Jehova tano Devel kova arakhi hem pomožini pe narodo (Izlazak 17:13-16). |
|
Jehova-Šalom |
„O Jehova tano mir“. |
|
Jehova-Šalmah |
„O Jehova tano odothe“. |
Sose valjani te đana hem te koristina e Devleso anav?
E Devlese tano but važno oleso anav Jehova. Odolese so oleso anav ki Biblija pomini pe hiljade putija (Malahija 1:11).
E Devleso ćhavo, o Isus, but putija mothovđa kobor tano važno e Devleso anav. Na primer, ov molinđa pe e Jehovase: „Nek svetini pe to anav“ (Matej 6:9; Jovan 17:6).
Ako mangaja te ova e Devlese amala, važno tano te sikljova kova tano odova anav hem te koristina le (Psalam 9:10; Malahija 3:16). Ako hijam paše e Devleja hem amen ka doživina odova so ov obećinđa: „Ka spasinav le odolese so mangela man. Ka zaštitinav le sose penđari mo anav“ (Psalam 91:14).
I Biblija phenela: „Isi but kola phenena soj tane devela, ja ko nebo ja ki phuv, sose isi but „devela “ hem but „gospodija“ (1. Korinćanima 8:5, 6). Ama, i Biblija jasno mothovi so isi samo jekh pravo Devel, a oleso anav tano Jehova (Psalam 83:18).
a Disave hebrejska izučavaocija phenena soj tano e Devleso anav „Jahve“.
b Skraćeno oblik ando e Devleso anav „Jah“, pojavini pe nakro pinda putija ki Biblija sar deo ando lafi „Halelujah“ ili „Aliluja“, so značini „hvalinen Jah“ (Otkrivenje 19:1, Daničić-Karadžić).
Dikhen hem akava
PUĆIBA HEM ODGOVORIJA
Koj tano o Jehova?
Da li tano ov Devel samo ando jekh narodo, sar soj tano o Izrael?
OSNOVNA BIBLIJAKE SIKLJOVIBA
Da li o Devel isi le anav?
O Devel isi le but titule, sar soj tane Svemoćni, Stvoritelj hem Gospodar. Akava video istaknini so e Devleso anav pomini pe nakro 7 000 hiljade putija ki Biblija.
AMENDAR
Rode neko te posetini tut
Vaćer ando e biblijake pućiba ili sikljov poviše ando Jehovase svedokija.