Ko 2022. berš o vlastija ko sveto trošinđe prekalo 2,24 bilionija dolarija ki vojska hem ko oružje. Niked angleder na trošinđe odobor pare sar akana ked isi maribe maškari Rusija hem i Ukrajina. Premalo izveštaj ando Međunarodno institut aso mirovna istraživanja (SIPRI) kova hine objavimo ko april 2023. berš, ko 2022:

•   O evropska phuvja „trošinđe 13 posto pobuter pare ki vojska hem ko oružje. Odija tani najbari potrošnja ando 1991. berš.“

•   „Ki Rusija. . . i vojno potrošnja ulji pobari aso 9,2 posto hem ađahar maškaro phuvja kola isi len bari vojno potrošnja i Rusija đelji ando panđto ko trito than.“

•   „I Amerika tani ko prvo than sar phuv koja isi la najbari vojno potrošnja sose oj trošinđa 39 posto pobuter pare ki vojska ando sa avera phuvja ko sveto.“

 „Odova so but phuvja trošinena pobuter pare ki vojska hem ko oružje mothovi so živinaja ko but nesigurno sveto“, phenela o dr Nan Tian, o istraživači ko Međunarodno institut aso mirovna istraživanja ko Štokholm.

 Ki Biblija pisini so ka oven sukobija maškaro bare svetska sile hem mothovi soj tano jedino rešenje aso sa amare problemija.

•   I Biblija vaćeri ando vreme ko kova živinaja sar „vreme ando krajo.“ (Danilo 8:19).

•   Ki knjiga Danilo pisini so ko odova vreme o svetska sile ka mangen te mothoven koj tano pozoralo. Sebepi odova, on ka trošinen but pare ki vojska hem ko oružje (Danilo 11:40, 42, 43).

 Ako mangeja te đane pobuter ando akava biblijako proročanstvo, dikh o video Ispunjeno proročanstvo – Danilo 11. poglavlje.

•   I Biblija mothovi so o Devel ka cidel sa o manušikane vlastija. Ov „ka vazdel o kraljevstvo kova niked na ka ovel uništimo. Hem odova kraljevstvo niked na ka ovel dindo disave avere narodose. Ov ka phagel hem ka uništini sa odola kraljevstvija, a samo ov ka aćhol večno“ (Danilo 2:44).

•   Pana hari, o Jehova a ka ćerel okova so o manuša nisar našti te ćeren – ka anel pravo mir ki phuv. Sar? Oleso Kraljevstvo ka cidel sa o lošnipe andi phuv hem o oružje više na ka ovel (Psalam 46:8, 9).

 Ako mangeja te đane pobuter so e Devleso Kraljevstvo ka ćerel, čitin o članko „Pod Božjim Kraljevstvom ’posvuda će vladati mir‘.“