Ο Ευαγγέλιος σο Γραφιντάς ο Λουκάς 3:1-38
3 Οπράλ κο 15 μπρεσά σο ισινέ βασιλιάς ο Τιβέριος Καίσαρας, ο Πόντιος Πιλάτος κερέλας κουμάντος κι Ιουδαία, ο Ηρώδης* κερέλας κουμάντος κι Γαλιλαία, ο Φίλιππος λέσκο πφραλ κερέλας κουμάντος κο τθεμά Ιτουραία ντα Τραχωνίτιδα, ντα ο Λυσανίας κερέλας κουμάντος κο τθεμ Αβιληνή,
2 κο ντιβεσά σο ισινέ ο Άννας μπαρό ιερέας* ντα ο Καϊάφας ο αρχιερέας.* Αζομάν αβιλό ο λάφι ι Ντεβλέσκο κο Ιωάννης, κο τσσαβό κι Ζαχαριάσκο, κι έρημος.
3 Οτθάρ, βοβ γκιλό σαρό κο Ιορδάνης ντα βακερέλας κο τζενέ: «Μπολντιόν για τι σικαβέν ότι μετανιωσάλεν ντα αντικάς κα συγχωρίντιβεν τουμαρέ αμαρτίες»,
4 σαρ ισί γραμμέ κο βιβλίος σο γραφιντάς ο προφήτης Ησαΐας: «Εκ τζενό ντέλα βίκος ζουρανές κι έρημος: “Ετοιμάνεν ι Ιεχωβάσκο* ντρομ! Κερέν ίσια λέσκε ντρομά.
5 Σαρέ ο φαράγγια πρέπει τι πφερντιόν, ντα σαρέ ο μπαρέ ντα χουρντέ βεσά τι γουλίν. Ο ντρομά σο τθερένα στροφές πρέπει τι αβέν ίσια ντα ο χαλαντέ ντρομά τι λατσσάρντιβεν.
6 Ντα σαρέ κα ντικχέν σαρ σώνελα ο Ντεβέλ”».
7 Οτθάρ, βακερέλας κο μπουτ τζενέ σο τζάνας τι μπολντιόν λέσταρ: «Τουμέν, σο ισινέν τσσαβέ οχιάκε, κον βακερντάς τουμένγκε ότι μπορίνενα τι νασέν κατά μπαρί χολί σο κα αβέλ;
8 Σικαβέν οντουλέντζαρ σο κερένα ότι μετανιωσάλεν.* Μα βακερέν αντρέ τουμέντε: “Αμαρό ντατ ισί ο Αβραάμ”. Σόσκε βακεράβα τουμένγκε ότι ο Ντεβέλ τθερέλα ι ζορ τι νικαβέλ τσσαβέν ι Αβρααμίσκε ακαλέ μπαρένταρ.
9 Ο τσεκούρι ισί ακανά κι ρίζα κι δεντρόνγκι. Οτθάρ, κάθε δέντρος σο να νικαβέλα λατσσό καρπός κα τσσιντιόλ ντα κα φουρτίντιβελ κι γιακ».*
10 Ο τζενέ πουτσένας-λες: «Ντα σο πρέπει τι κεράς;»
11 Βοβ βακερέλας λένγκε: «Οντουβά σο τθερέλα ντούι σέα* τι ντελ οντουλέστε σο να τθερέλα. Ντα οντουβά σο τθερέλα χαμπίματα τι ντελ οντουλέστε σο να τθερέλα».
12 Ατζέ-ντα τζενέ σο γκίντενας ο φόροι αβιλέ τι μπολντιόν ντα βακερντέ λέσκε: «Δάσκαλε, σο πρέπει τι κεράς;»
13 Βοβ βακερντάς λένγκε: «Μα μανγκέν* πο μπουτ φόρος οντουλέσταρ σο ισί τι ντιντιόλ».
14 Ατζέκ, ο στρατιώτες πουτσένας-λες: «Αμέν σο πρέπει τι κεράς;» Ντα βοβ βακερέλας λένγκε: «Μα ζορισκιαρέν καεκχές* ντα μα τσσουβέν ψεύτικα λάφια καεκχέσκε, αλλά τι ερεσέν-τουμέν οντουλά σο ντιντιόνα-τουμέν».
15 Καζόμ ο λαός μπεσέλας ι Χριστόσκε, σαρέ βακερένας αντρέ πουμαρέ γκίστε ι Ιωαννίσκε: «Μα τι ισί ο Χριστός;»
16 Οτθάρ, ο Ιωάννης βακερντάς σαριλένγκε: «Με μπολάβα-τουμέν πανίσαρ, αλλά αβέλα οντουβά σο ισί πο ζουρανό μάνταρ, ντα με να ισινόμ άξιος ούτε τι πουτράβ λέσκε τεραχά.* Βοβ κα μπολέλ-τουμέν άγιε πνευμάσαρ ντα γιακάσαρ.
17 Τθερέλα πι βαστέστε ι τσουγκράνα για τι νασκιαρέλ ο πουσά ντα για τι κερέλ ντιπ πάκι πο τθαν.* Κα γκίντελ πο γκιβ κι αποθήκη, αλλά ο πουσά κα πφαμπαρέλ-λεν γιακάσαρ σο να μερέλα».
18 Ντέλας μπουτ γιαβερά-ντα συμβουλές ντα μουτθαβέλας λατσσέ αμπέρια κο λαός.
19 Αλλά επειδή ο Ιωάννης σικαβέλας ο λάθος σο κερντάς ο βασιλιάς Ηρώδης κάνα λιντάς ι Ηρωδιαδά, πι πφραλέσκε ρομνιά, ντα σαρέ ο γιαβερά μπέτι πράγματα σο κερέλας,
20 ο Ηρώδης κερντάς ακαβά-ντα μπέτι πράγμας: Πφαντάς ι Ιωαννής κι φυλακή.
21 Μπολντιλό σαρό ο λαός, ντα σοράν μπολντιλό εμ ο Ιησούς. Καζόμ προσευχίντιβελας, πουτάρντιλο ο ουρανός,
22 ντα γουλίστιλο οπρά-λέστε ο άγιος πνεύμας σο ντικχίντιβελας σαρ περιστέρι, ντα ασούντιλε ακαλά λάφια κατά ουρανός: «Τούι ισινάν μο Τσσαβό σο μανγκάβα-τουτ μπουτ. Κερέσα μο γκι».
23 Κάνα ο Ιησούς αρχισάλο πο έργος, ισινέ πασέ 30 μπρεσένγκο, ντα ο τζενέ τζανένας ότι ισινέ τσσαβόι Ιωσηφίσκο,σο λέσκο ντατ ισινέ ο Ηλί,
24 σο λέσκο ντατ ισινέ ο Ματθάτ,σο λέσκο ντατ ισινέ ο Λευί,σο λέσκο ντατ ισινέ ο Μελχί,σο λέσκο ντατ ισινέ ο Ιανναΐ,σο λέσκο ντατ ισινέ ο Ιωσήφ,
25 σο λέσκο ντατ ισινέ ο Ματταθίας,σο λέσκο ντατ ισινέ ο Αμώς,σο λέσκο ντατ ισινέ ο Ναούμ,σο λέσκο ντατ ισινέ ο Εσλί,σο λέσκο ντατ ισινέ ο Ναγγαΐ,
26 σο λέσκο ντατ ισινέ ο Μαάθ,σο λέσκο ντατ ισινέ ο Ματταθίας,σο λέσκο ντατ ισινέ ο Σεμεείν,σο λέσκο ντατ ισινέ ο Ιωσήχ,σο λέσκο ντατ ισινέ ο Ιωδά,
27 σο λέσκο ντατ ισινέ ο Ιωανάν,σο λέσκο ντατ ισινέ ο Ρησά,σο λέσκο ντατ ισινέ ο Ζοροβάβελ,σο λέσκο ντατ ισινέ ο Σαλαθιήλ,σο λέσκο ντατ ισινέ ο Νηρί,
28 σο λέσκο ντατ ισινέ ο Μελχί,σο λέσκο ντατ ισινέ ο Αδδί,σο λέσκο ντατ ισινέ ο Κωσάμ,σο λέσκο ντατ ισινέ ο Ελμαδάμ,σο λέσκο ντατ ισινέ ο Ηρ,
29 σο λέσκο ντατ ισινέ ο Ιησούς,σο λέσκο ντατ ισινέ ο Ελιέζερ,σο λέσκο ντατ ισινέ ο Ιωρείμ,σο λέσκο ντατ ισινέ ο Ματθάτ,σο λέσκο ντατ ισινέ ο Λευί,
30 σο λέσκο ντατ ισινέ ο Συμεών,σο λέσκο ντατ ισινέ ο Ιούδας,σο λέσκο ντατ ισινέ ο Ιωσήφ,σο λέσκο ντατ ισινέ ο Ιωνάμ,σο λέσκο ντατ ισινέ ο Ελιακείμ,
31 σο λέσκο ντατ ισινέ ο Μελεά,σο λέσκο ντατ ισινέ ο Μεννά,σο λέσκο ντατ ισινέ ο Ματταθά,σο λέσκο ντατ ισινέ ο Νάθαν,σο λέσκο ντατ ισινέ ο Δαβίδ,
32 σο λέσκο ντατ ισινέ ο Ιεσσαί,σο λέσκο ντατ ισινέ ο Ωβήδ,σο λέσκο ντατ ισινέ ο Βοόζ,σο λέσκο ντατ ισινέ ο Σαλμών,σο λέσκο ντατ ισινέ ο Ναασών,
33 σο λέσκο ντατ ισινέ ο Αμμιναδάβ,σο λέσκο ντατ ισινέ ο Αρνεί,σο λέσκο ντατ ισινέ ο Εσρών,σο λέσκο ντατ ισινέ ο Φαρές,σο λέσκο ντατ ισινέ ο Ιούδας,
34 σο λέσκο ντατ ισινέ ο Ιακώβ,σο λέσκο ντατ ισινέ ο Ισαάκ,σο λέσκο ντατ ισινέ ο Αβραάμ,σο λέσκο ντατ ισινέ ο Θάρα,σο λέσκο ντατ ισινέ ο Ναχώρ,
35 σο λέσκο ντατ ισινέ ο Σερούχ,σο λέσκο ντατ ισινέ ο Ραγάβ,σο λέσκο ντατ ισινέ ο Φάλεκ,σο λέσκο ντατ ισινέ ο Έβερ,σο λέσκο ντατ ισινέ ο Σηλά,
36 σο λέσκο ντατ ισινέ ο Καϊνάν,σο λέσκο ντατ ισινέ ο Αρφαξάδ,σο λέσκο ντατ ισινέ ο Σημ,σο λέσκο ντατ ισινέ ο Νώε,σο λέσκο ντατ ισινέ ο Λάμεχ,
37 σο λέσκο ντατ ισινέ ο Μαθουσάλας,σο λέσκο ντατ ισινέ ο Ενώχ,σο λέσκο ντατ ισινέ ο Ιάρεδ,σο λέσκο ντατ ισινέ ο Μααλαλεήλ,σο λέσκο ντατ ισινέ ο Καϊνάν,
38 σο λέσκο ντατ ισινέ ο Ενώς,σο λέσκο ντατ ισινέ ο Σηθ,σο λέσκο ντατ ισινέ ο Αδάμ,σο λέσκο ντατ ισινέ ο Ντεβέλ.
Υποσημειώσεις
^ Κι Πουρανί Μπαλαμανί βακέρντιβελας «Κερέν καρποί σο σικαβένα ότι μετανιωσάλεν».
^ Γιαβέρσοϊ «γιανγκ».
^ Γιαβέρσοϊ «τθερέλα αλλαξιά».
^ Γιαβέρσοϊ «Μα λεν».
^ Γιαβέρσοϊ «Μα λεν λοβέ ζορίσαρ καεκχέσταρ».
^ Κι Πουρανί Μπαλαμανί βακέρντιβελας «σανδάλια».
^ Κι Πουρανί Μπαλαμανί βακέρντιβελας «αλώνι».
