1. Σαρ ο Ντεβέλ ντέλας ζορ πι πιστέ υπηρετόντε κο πουρανέ μπρεσά;

 Ο ΛΑΦΙ Ι ΝΤΕΒΛΕΣΚΟ μπουτ φαρ βακερέλα ότι μερικά πιστά τζενέ ισινέ ζουρανέ. Αλλά ατζέ-ντα ο πο ζουρανέ λένταρ να νιωθίνενας πάντα ζουρανέ. Για παράδειγμας, ο βασιλιάς Δαβίδ μπάζιμα νιωθίνελας ότι ισινέ «ζουρανό σαρ εκ βες», ενώ γιαβερά φαρ “νταρέλας”. (Ψαλμ. 30:7) Παρόλο σο ο Σαμψών ισινέ μπουτ ζουρανό κάνα ο Ντεβέλ ντέλας-λες πο πνεύμας, αγαβέλας ότι, άμα να κα ντέλας-λες ο Ντεβέλ πι ζορ, “κα αβέλας μπίζουρανο σαρ σαρέ ο γιαβερά τζενέ”. (Κριτ. 14:5, 6· 16:​17) Ανταλά πιστά μουρσά ισινέ ζουρανέ επειδή ο Ιεχωβά ντέλας-λεν ζορ.

2. Σόσκε βακερντάς ο απόστολος Παύλος ότι ισινέ εμ μπίζουρανο εμ ζουρανό; (2 Κορινθίους 12:9, 10)

² Ο απόστολος Παύλος αγαβέλας ότι τθερέλας βοβ-ντα ανάγκη ι ζορ ι Ιεχωβάσκι. (Διαβάνεν 2 Κορινθίους 12:9, 10) Σαρ αμέν, αντικάς ο Παύλος-ντα νακχέλας προβλήματα πι υγειάσαρ. (Γαλ. 4:​13, 14) Επίσης μπάζιμα δυσκολίντιβελας τι κερέλ ο σωστός. (Ρωμ. 7:​18, 19) Ντα γιαβερά φαρ, ανησυχίνελας ντα νταρέλας σο μπέκιμ τι αβέλας λέσκε. (2 Κορ. 1:8, 9) Αλλά κάνα ισινέ μπίζουρανο, αβέλας ζουρανό. Σαρ; Ο Ιεχωβά ντέλας-λες ι ζορ σο χρειαζίντιβελας. Κερέλας-λες ζουρανό.

3. Καλέ ερωτησιέντε κα απαντίνας ανταλέ μαθημάστε;

³ Ο Ιεχωβά ντέλα πο λάφι τι ντελ αμέν-ντα ζορ. (1 Πέτρ. 5:​10) Αλλά ναστί μπεσάσα τι λας ανταγιά ζορ χωρίς τι κεράς αμέν καέκ προσπάθεια. Για παράδειγμας, εκ μηχανή μπορίνελα τι ντελ ζορ σε εκ αυτοκίνητος για τι τσσίντελ. Άμα όμως εκ οδηγός να κα ισταβέλ ο γκάζι, ο αυτοκίνητος να μπορίνελα τι τζαλ πουθενά. Αντικάς ο Ιεχωβά-ντα μανγκέλα τι ντελ-αμέν ι ζορ σο χρειαζίντιβασα, αλλά πρέπει αμέν-ντα τι κεράς κάτι για τι λας ι ζορ σο ντέλα-αμέν. Σο ντινάς-αμέν ο Ιεχωβά  για τι κερέλ-αμέν ζουρανέ; Ντα σο χρειαζίντιβελα τι κεράς για τι λας ανταγιά ζορ; Κα λας ο απαντήσεις καζόμ κα ντικχάς σαρ ντινάς ζορ ο Ιεχωβά τρινέ τζενέντε κατά Γραφή​—κο προφήτης Ιωνάς, κι Μαρία κι ντάι κι Ιησούσκι ντα κο απόστολος Παύλος. Κα ντικχάς επίσης σαρ ο Ιεχωβά συνεχίνελα τι ντελ ζορ πι υπηρετόντε αντιβές σαρ ντέλας-λεν κο πουρανέ μπρεσά-ντα.

4. Σαρ μπορίνασα τι λας ζορ κατά Ιεχωβά;

⁴ Εκ τρόπος σο μπορίνασα τι λας ζορ κατά Ιεχωβά ισί η προσευχή. Ο Ιεχωβά κα απαντίνελ αμαρέ προσευχιέντε ντα κα ντελ-αμέν «ζορ σο ισί πο μπαρί αμαρέ ζοριάταρ». (2 Κορ. 4:7) Λάσα επίσης ζορ κάνα διαβάνασα ντα σκεφτίνασα λατσσές λέσκο Λάφι. (Ψαλμ. 86:​11) Ο λάφια σο ντινάς-αμέν ο Ιεχωβά κι Γραφή “τθερένα ζορ”. (Εβρ. 4:​12) Κάνα προσευχίντιβενα κο Ιεχωβά ντα διαβάνενα λέσκο Λάφι, κα λεν ι ζορ σο χρειαζίντιβενα για τι νταϊντίνεν, τι ατσσικιαρέν τουμαρί χαρά ή τι κερέν εκ δύσκολος διορισμός. Τσσουβέν σημασία σαρ ντινάς ζορ ο Ιεχωβά κο προφήτης Ιωνάς.

5. Σόσκε ο προφήτης Ιωνάς χρειαζίντιβελας ζορ;

⁵ Ο προφήτης Ιωνάς χρειαζίντιβελας ζορ. Νταρέλας τι τζαλ οτθέ σο μπουτσσαβέλας-λες ο Ιεχωβά, οτθάρ λιντάς εκ καράβι για τι τζαλ γιαβερτθέ. Ο αποτέλεσμας ισινέ τι τσσουβέλ σε κίνδυνος εμ πιρί ζωή εμ ι ζωή οντουλένγκι σο ισινέ κο καράβι λέσαρ, σε εκ μπαρί φουρτούνα. Κάνα φουρτιντέ-λες κι ντεριάβ, μπιλιαντάς-λες εκ μπουτ μπαρό ματσσό. Ο Ιωνάς ισινέ σε εκ νταρανικανό τθαν​—κο περ εκχέ ματσσέσκο. Σαρ αμντίνενα ότι νιωσάλο; Πακιάλας ότι αβιλόας λέσκο τέλος; Μήπως σκεφτίνελας άμα ο Ιεχωβά μουκχλάας-λες; Ο Ιωνάς σίγουρα ανησυχίνελας μπουτ.

6. Σο ντινάς ζορ κο Ιωνάς κάνα ισινέ κο περ κι ματσσέσκο, σαρ σικαβένα ο εδάφια Ιωνάς 2:1, 2, 7;

⁶ Σο κερντάς ο Ιωνάς για τι λελ ζορ καζόμ ισινέ ντιπ κορκορό οντουλέ νταρανικανέ τθανέστε; Πρώτα, κερντάς προσευχή. (Διαβάνεν Ιωνάς 2:​1, 2, 7) Αν-ντα να ντινάας καν ι Ιεχωβάς, ο Ιωνάς ισινέ σίγουρος ότι ο Ιεχωβά κα ασουνέλας λέσκι ταπεινή προσευχή σο σικαβέλας ότι μετανιωσάλο. Ο Ιωνάς επίσης σκεφτίνελας λατσσές ι Γραφή. Σόσκε βακεράσα-λες ανταβά; Επειδή λέσκι προσευχή σο ισί λέσκε βιβλιόστε, κο κεφάλαιος 2, τθερέλα μπουτ λάφια σο αρακχάσα κο Ψαλμοί. (Για παράδειγμας, ντικχέν Ιωνάς 2:2, 5 με Ψαλμός 69:1· 86:7) Ισί σίγουρος ότι ο Ιωνάς τζανέλας μπουτ λατσσές ανταλά εδάφια. Καζόμ σκεφτίνελας-λεν λατσσές, αβιλό σίγουρος ότι ο Ιεχωβά κα βοηθίνελας-λες. Ο Ιεχωβά σωντάς-λες ντα πο σοράν ισινέ έτοιμος τι κερέλ ο έργος σο βακερντάας λέσκε ο Ιεχωβά.​—Ιωνάς 2:​10–3:4.

7, 8. Σαρ λιντάς ζορ εκ πφραλ κι Ταϊβάν καζόμ νακχέλας πο δοκιμασίες;

⁷ Ο παράδειγμας του Ιωνά μπορεί τι βοηθίνελ-αμέν κάνα νακχάσα δοκιμασίες. Για παράδειγμας, εκ πφραλ κατά Ταϊβάν, ο Τζίμινγκ, b νακχέλα σοβαρά προβλήματα υγείας. Επίσης, μερικά τζενέ λέσκε φαμιλιάταρ συμπεριφερίντιβενας λέσκε μπουτ μπέτι επειδή πακιάλα κο Ιεχωβά. Λέλα ζορ κατά Ιεχωβά αντράλ κατά προσευχή ντα κατά σικλιαριπέ ι Γραφιάκο. «Μπάζιμα, κάνα αβένα προβλήματα», βακερέλα ο Τζίμινγκ, «νιωθίναβα αζόμ μπαρί ανησυχία σο ναστί ηρεμίναβα για τι σικλιαράβ-μαν κατά Γραφή». Αλλά να μουκχέλα-πες. Βοβ εξηγίνελα: «Πρώτα προσευχίντιβαβα κο Ιεχωβά. Σοράν, ιριάβα μο ακουστικά ντα ασουνάβα ύμνους ι Βασιλειάκε. Μπάζιμα γκιλιαβάβα-λεν αντρά-μάνταρ  μέχρι τι ηρεμίναβ. Σοράν αρχίναβα τι διαβάναβ».

⁸ Επειδή ο Τζίμινγκ σικλιαρέλα-πες κατά Γραφή, λέλα ζορ τροπόντζαρ σο να μπεκλεντίνελας. Για παράδειγμας, αφού κερντάας εκ σοβαρή εγχείρηση, εκ νοσοκόμα βακερντάς λέσκε ότι, επειδή λέσκο αιματοκρίτης ισινέ τελέ, κα χρειαζίντιβελας μετάγγιση ρατέσκι. Ι ιράτ πριν κατά εγχείρηση, ο Τζίμινγκ διαβαντάας εκχέ πφενιάκε σο κερντάας ι ίδια εγχείρηση. Λάκο αιματοκρίτης πελόας πο μπουτ κατά αιματοκρίτης λέσκο. Όμως βόι να μανγκλάς μετάγγιση ρατέσκι ντα αβιλί λατσσές. Λάκο παράδειγμας ντινάς μπαρί ζορ κο Τζίμινγκ για τι ατσσόλ πιστός.

9. Σο μπορίνενα τι κερέν άμα κχινίλεν από εκ δοκιμασία; (Ντικχέν ο φωτογραφίες-ντα)

⁹ Κάνα νακχένα εκ δοκιμασία, νιωθίνενα μπάζιμα αζόμ μπαρί ανησυχία σο να μπορίνενα τι πουτρέν ντιπ τουμαρό γκι κο Ιεχωβά αντράλ κατά προσευχή; Μήπως νιωθίνενα αζόμ κχινέ σο να μπορίνενα τι σικλιαρέν-τουμέν κατά Γραφή; Τι ντεν-τουμέν γκοντί ότι ο Ιεχωβά αγαβέλα ντιπ οντουβά σο νακχένα. Οτθάρ, ατζέ-ντα άμα κα κερέν εκ απλή προσευχή, μπορίνενα τι αβέν σίγουροι ότι βοβ κα ντελ-τουμέν ντιπ οντουβά σο χρειαζίντιβενα. (Εφεσ. 3:​20) Άμα η ντουκχ σο νιωθίνενα τουμαρέ σωμάστε ή τουμαρέ γκίστε δυσκολίνελα-τουμέν τι σικλιαρέν-τουμέν κατά Γραφή, μπορίνενα τι ασουνέν ο ηχογραφήσεις ι Γραφιάκε ή ο ηχογραφήσεις σο τθερένα αμαρέ εκδόσεις. Κα μπορίνενας επίσης τι ασουνέν εκ ύμνος ή εκ κατά γκιλιά αμαρέ ή τι ντικχέν εκ βίντεος κο ιστότοπος jw.org. Κάνα κερένα προσευχή κο Ιεχωβά ντα ρόντενα ο απαντήσεις κι Γραφή ντα σαρέ κο γιαβερά πράγματα σο ντέλα-αμέν, μουκχένα-λες τι ντελ-τουμέν ζορ.

10. Σαρ ντένα-αμέν ζορ αμαρέ πφραλά ντα αμαρέ πφενιά;

¹⁰ Ο Ιεχωβά μπορίνελα τι ντελ-αμέν ζορ αντράλ αμαρέ πφραλένταρ ντα πφενίνταρ. Βον μπορίνενα τι “λοκχιαρέν μπουτ αμαρό γκι” κάνα νακχάσα εκ δοκιμασία ή δυσκολίντιβασα τι κεράς εκ διορισμός. (Κολ. 4:​10, 11) Ατζέ πο μπουτ χρειαζίντιβασα αμαλέν “κο ντιβεσά σο αβέλα στεναχώρια”. (Παρ. 17:​17) Κάνα  νιωθίνασα μπίζουρανε, αμαρέ πφραλά μπορίνενα τι ντεν-αμέν ο αναγκαία, τι παρηγορίνεν-αμέν ντα τι ενθαρρύνεν-αμέν μα τι τσσιναβάς τι υπηρετίνας ι Ιεχωβάς. Ντικχέν σαρ η Μαρία, η ντάι ι Ιησούσκι, λιντάς ζορ κατά γιαβερά.

11. Σόσκε χρειαζίντιβελας ζορ η Μαρία;

¹¹ Η Μαρία χρειαζίντιβελας ζορ. Σκεφτίνεν καζόμ μπουτ αγχωσάλι κάνα λιντάς εκ πφαρό διορισμός κατά άγγελος Γαβριήλ. Η Μαρία να ισινέ παντριμέ, αλλά κα ατσσόλας κχαμνί. Να τθερέλας μπαριαρντό τσσαβέν, αλλά έπρεπε τι αρακχαβέλ εκχέ τσσαβές σο κα αβέλας ο Μεσσίας. Ντα αφού να σοτάας ποτές μουρσέσαρ, σαρ κα εξηγίνελας-λεν σαρέ ανταλά πι νισανλίσκε, κο Ιωσήφ;​—Λουκ. 1:​26⁠-33.

12. Σαρ λιντάς η Μαρία ι ζορ σο χρειαζίντιβελας, σαρ σικαβένα ο εδάφια Λουκάς 1:​39⁠-45;

¹² Σαρ λιντάς η Μαρία ι ζορ σο χρειαζίντιβελας για τι κερέλ ανταβά ξεχωριστός ντα πφαρό διορισμός; Μανγκλάς βοήθεια. Για παράδειγμας, μανγκλάς κατά Γαβριήλ τι βακερέλ λάκε πο μπουτ πράγματα ανταλέ διορισμόσκε. (Λουκ. 1:​34) Χάνικ πο σοράν, κερντάς ταξίδι «κο βεσά» κο Ιούδας για τι τζαλ κι Ελισάβετ, σο ισινέ λάκε τζενένταρ. Ανταβά ταξίδι αξίνελας. Η Ελισάβετ ισαρντάς ι Μαριά ντα αντράλ κατά πνεύμας ι Ιεχωβάσκο βακερντάς λάκε εκ προφητεία για τι λελ οπρά-πέστε, σο τθερέλας τι κερέλ λάκε μαξιμίσαρ σο ισινέ λάκε περέστε. (Διαβάνεν Λουκάς 1:​39⁠-45) Η Μαρία βακερντάς ότι ο Ιεχωβά «πι βαστέσαρ, κερντάς μπουτ μπαρέ πράγματα». (Λουκ. 1:​46⁠-51) Αντράλ κατά Γαβριήλ ντα κατά Ελισάβετ, ο Ιεχωβά ντινάς ζορ κι Μαρία.

13. Σο λατσσιπέ ντικχλάς εκ πφεν κι Βολιβία κάνα μανγκλάς βοήθεια πι πφραλένταρ;

¹³ Σαρ η Μαρία, αντικάς τουμέν-ντα μπορίνενα τι λεν ζορ τουμαρέ πφραλένταρ ντα πφενίνταρ. Η Ντασουρί, εκ πφεν κι Βολιβία, χρειαζίντιβελας ασακί ζορ. Κάνα αρακχλέ λάκε νταντέστε εκ νασφαλιπέ σο κα γκερέλας-λες κο μεριπέ, η Ντασουρί αρχισάλι τι φροντίνελ-λες καζόμ πο λατσσές μπορίνελας. (1 Τιμ. 5:4) Ανταβά όμως να ισινέ πάντα εύκολος. Βόι βακερέλα: «Μπουτ φαρ νιωθίναβας ότι να νταϊντίναβας γιαβέρ». Μανγκλάς βοήθεια; Κι αρχή, νάα. Βακερέλα: «Να μανγκάβας τι ενοχλίναβ ι πφραλέν. Σκεφτίναβας: “Ο Ιεχωβά ισί οντουβά σο κα ντελ-μαν ι βοήθεια σο χρειαζίντιβαβα”. Αλλά σοράν αγαντόμ ότι, καζόμ τσσίνταβας-μαν ντουρ κατά γιαβερά, προσπαθίναβας τι νταβ πέρα μο προβλήματα κορκορί». (Παρ. 18:1) Η Ντασουρί αποφασιντάς τι γραφίνελ μερικέ πφραλέντε ντα τι βακερέλ λένγκε σαρ ισινέ ο πράγματα. «Ναστί βακεράβα λαφίντζαρ καζόμ μπουτ ζορ ντινέ-μαν μο πφραλά σο μανγκάβα-λεν μπουτ», βακερέλα. «Ανένας χαμπέ κο νοσοκομείος ντα βακερένας μάνγκε εδάφια σο λοκχιαρένας μο γκι. Σο σουκάρ ισί τι τζανάς ότι να ισινάμ κορκορέ. Ισινάμ αντρέ κι μπαρί φαμιλί κι Ιεχωβάσκι​—εκ φαμιλί σο μανγκέλα τι βοηθίνελ-τουτ, τι ροβέλ τούσαρ ντα τι ντελ-τουτ ζορ για τι συνεχίνες τι υπηρετίνες ι Ιεχωβάς γιεκ λέντζαρ».

14. Σόσκε πρέπει τι δεχτίνας βοήθεια κατά πρεσβύτεροι;

¹⁴ Εκ τρόπος σο ο Ιεχωβά ντέλα-αμέν ζορ ισί αντράλ κατά πρεσβύτεροι. Ο πρεσβύτεροι ισί δώρα σο χρησιμοποιήνελα βοβ για τι ντελ-αμέν ζορ ντα τι λοκχιαρέλ-αμέν. (Ησ. 32:1, 2) Οτθάρ, κάνα νιωθίνενα ανησυχία, κερέν λάφι ανταλέσκε σο απασχολίνελα-τουμέν κο πρεσβύτεροι. Κάνα ντένα-τουμέν βοήθεια, δεχτίνεν-λα με εκτίμηση. Αντράλ λένταρ, ο Ιεχωβά μπορίνελα τι κερέλ-τουμέν ζουρανέ.

15. Καγιά ελπίδα ισί πολύτιμη σαρέ ι Χριστιανόνγκε;

¹⁵ Η ελπίδα σο ντέλα-αμέν η Γραφή πφερέλα-αμέν ζορ. (Ρωμ. 4:3, 18-20) Σαρ Χριστιανοί, τθεράσα ι μπουτ σουκάρ ελπίδα τι  τζουβντιάς για πάντα​—είτε κο παράδεισος σο κα αβέλ κι πφουβ είτε κι Βασιλεία κο ουρανός. Αμαρί ελπίδα ντέλα-αμέν ζορ για τι νταϊντίνας δοκιμασίες, τι βακεράς ο λατσσέ αμπέρια ντα τι κεράς μπουτ διορισμούς κι κχανγκιρί. (1 Θεσ. 1:3) Η ίδια ελπίδα ντέλας ζορ κο απόστολος Παύλος-ντα.

16. Σόσκε χρειαζίντιβελας ζορ ο απόστολος Παύλος;

¹⁶ Ο Παύλος χρειαζίντιβελας ζορ. Κι επιστολή σο γραφιντάς κο Κορίνθιοι, μοιασκιαρντάς πο νεαυτός εκχέ κχορέσαρ σο πφανγκιόλας εύκολα. “Ισινέ πφαντό”, “να τζανέλας σο τι κερέλ”, “τζάνας λέσαρ κόντρα” ντα “περαβένας-λες τελέ”. Ισινέ σε κίνδυνος ατζέ-ντα λέσκι ζωή. (2 Κορ. 4:​8⁠-10) Ο Παύλος γραφιντάς ανταλά λάφια καζόμ κερέλας πο τρίτος ιεραποστολικός ταξίδι. Μπέκιμ μα τι τζανέλας-λες αζομάν, αλλά λέσκε βάσανα να μπιτισάλεας. Πο σοράν, ο τζενέ προσπαθιντέ τι μουνταρέν-λες, ασταρντέ-λες, βουλιαξάλο ντα τσσουντέ-λες κι φυλακή.

17. Σο ντέλας ζορ κο Παύλος για τι νταϊντίνελ πο δοκιμασίες, σαρ βακερένα ο εδάφια 2 Κορινθίους 4:​16⁠-18;

¹⁷ Ο Παύλος αρακχλάς ι ζορ τι νταϊντίνελ επειδή λέσκε γιακχά ισινέ κι ελπίδα σο τθερέλας. (Διαβάνεν 2 Κορινθίους 4:​16⁠-18) Βακερντάς κο Κορίνθιοι ότι, ατζέ-ντα άμα λέσκο σώμας “χαλάντιβελας”, να κα μουκχέλας-λες ανταβά τι κερέλ-λες τι χασαρέλ πι ζορ. Ο Παύλος σκεφτίνελας ο ντιβεσά σο ισινέ ανγκλά-λέστε. Η ελπίδα σο τθερέλας τι τζουβντιόλ για πάντα κο ουρανός “καζόμ τζάλας τθερέλας ατζέκ πο μπουτ αξία” ντα αξίνελας κάθε δοκιμασία σο νακχλάς. Ο Παύλος σκεφτίνελας λατσσές ανταγιά ελπίδα. Ο αποτέλεσμας ισινέ ότι “λέλας νεβί ζορ καζόμ νακχένας ο ντιβεσά”.

18. Σαρ η ελπίδα ντέλα ζορ κο Τιχομίρ ντα λέσκε φαμιλιάτε;

¹⁸ Εκ πφραλ κι Βουλγαρία, ο Τιχομίρ, λέλα ζορ κατά ελπίδα σο τθερέλα. Πριν από χάνικ μπρεσά, λέσκο πφραλ, ο Ζντράβκο, σο ισινέ πο χουρντό λέσταρ, χασαρντάς πι ζωή σε εκ ατύχημας. Για μπουτ βακίτι, ο Τιχομίρ νιωθίνελας μπαρί ντουκχ. Για τι νταϊντίνεν, βοβ ντα λέσκι φαμιλί σκεφτίνενα σαρ κα αβέλ η ανάσταση. Βοβ βακερέλα: «Για παράδειγμας, συζητίνασα κάι κα ντικχάς πάλι τον Ζντράβκο,  σο κα κεράς λέσκε για τι χαλ, κας κα καλίνας κι πρώτη παρέα σο κα κεράς κάνα κα βουρτίνελ ντα σο κα βακεράς λέσκε ι τελευταίε ντιβεσένγκε». Ο Τιχομίρ βακερέλα ότι, επειδή τθερένα πουμαρέ γιακχά κι ελπίδα σο τθερένα, ανταβά ντέλα-λεν ζορ για τι συνεχίνεν τι νταϊντίνεν ντα τι μπεκλεντίνεν ο βακίτι σο ο Ιεχωβά κα αναστίνελ λέσκε πφραλές.

19. Σαρ κα κερέν πο ζουρανί τουμαρί ελπίδα; (Ντικχέν ι φωτογραφία-ντα)

¹⁹ Σαρ μπορίνενα τι κερέν πο ζουρανί τουμαρί ελπίδα; Άμα, για παράδειγμας, τθερένα ι ελπίδα τι τζουβντιόν για πάντα κι πφουβ, τι διαβάνεν ντα τι σκεφτίνεν λατσσές ο ιστορίες ι Γραφιάκε σο βακερένα για τον Παράδεισο. (Ησ. 25:8· 32:​16⁠-18) Τι σκεφτίνεν σαρ κα αβέλ η ζωή κο νεβό ντουνιάς. Τι ανέν τουμαρέ γκοντιάτε ότι ισινέν οτθέ. Κας ντικχένα; Σο ασουνένα; Σαρ νιωθίνενα; Για τι βοηθίντιβεν τι σκεφτίνεν σαρ κα αβέλ ο Παράδεισος, ντικχέν ο εικόνες κο έντυπα αμαρέ ή ντικχέν εκ μουσικός βίντεος σαρ ισί Ο Νέος Κόσμος που Περιμένω, Λίγο Ακόμα ή Ανγκλάλ τι Ντικχές. Άμα ατσσικιαράσα αμαρί γκοντί κι ελπίδα κι νεβέ ντουνιάσκι, αμαρέ προβλήματα κα “ατσσικιαρέν χάνικ ντα κα αβέν λοκχέ”. (2 Κορ. 4:​17) Η ελπίδα σο ντινάς-τουμέν ο Ιεχωβά κα κερέλ-τουμέν ζουρανέ.

20. Ατζέ-ντα κάνα νιωθίνασα μπίζουρανε, σαρ μπορίνασα τι λας ζορ;

²⁰ Ατζέ-ντα κάνα νιωθίνασα μπίζουρανε, «χάρη κο Ντεβέλ κα λας ζορ». (Ψαλμ. 108:​13) Ο Ιεχωβά ήδη ντινάς σο-ντα χρειαζίντιβενα για τι λεν ζορ λέσταρ. Οτθάρ, κάνα χρειαζίντιβενα βοήθεια για τι κερέν εκ διορισμός, τι νταϊντίνεν εκ δοκιμασία ή τι ατσσικιαρέν τουμαρί χαρά, πλησιάνεν ι Ιεχωβάς αντράλ κατά προσευχή ντα μανγκέν λέσταρ τι οδηγίνελ-τουμέν καζόμ σικλιαρένα-τουμέν κατά Γραφή. Τι δεχτίνεν ι ζορ σο ντένα-τουμέν τουμαρέ πφραλά ντα πφενιά. Τι ατσσικιαρέν τουμαρί ελπίδα ξεκάθαρη ντα ζουρανί. Αζομάν, “η μπαρί ζορ ι Ντεβλέσκι κα κερέλ-τουμέν μπουτ ζουρανέ για τι νταϊντίνεν σαρέ ο πράγματα με υπομονή ντα χαρά”.​—Κολ. 1:11.