Mai anglal te kerel ka o Adan pe Phuv, o Jehova kerdias iek angel desia zuralo ando cheri. Trobus te ashunas les te dikhel o Jehova pe amende ai te avel barikano.

Nakhli e vriama, ai o Jehova tradias pe Phuv godoles angelos te arakhadiol sar iek glata. Arakhadilo ando Belen ai leski dei sas iek shei bari kai busholas Maria. Thode leske anau Jesus (Iovano 6:38).

Kana sas pe Phuv, o Jesus sikadias ke sas lasho ai dragostoso sar si o Jehova. Pala godia le zhene kamenas te aven lesa. Vo thodias but zor te sikavel o chachimos le Devlesko.

O Jesus sastiardias le nasualen ai ushtiardias uni manushen kai sovenas ande martia.

Le mursh kai sikavenas pa o Del chi kamenas le Jesusos ke vo phenelas ke von sas jojamne ai bi lashe.

Godola kai sikavenas pa o Del jojade ka le romanuria pa o Jesus te maren les ai te mundaren les.