“Sa e lumia si telai putiera le bengeski” (1 Iovano 5:19, E Lashi Viasta).

“Ai O Shav le Devlesko avilo [...] te pharhavel e buchi le bengeski” (1 Iovano 3:8, E Lashi Viasta).

Aliaras katar ankliste sa le bede la lumiake (Sicharimos [Apokalipsos] 12:12).

Si amen pala soste te azhukeras iek lumia mai shukar (1 Iovano 2:17).

Ei, akana ferdi phenas trin:

• E amperetsia le Bengeski si te perel. O Jehova chachimasa si te kerel te na mai avel e lumia ande le vas le Bengeske. Vo shinavel ke si te pharhavel “e putiera le bengeski” ai si te lasharel sa o kino kai andias (Zhiduvuria 2:14).

• O Jesus Kristo si o amperato kai o Del alosardias. O Jesus si o kolaver fialo katar o amperato bi ilesko kai akana si les e lumia ande peske vas. O Del shinavel ke o Kristo sar iek amperato, si te avel leske mila katar le milosuria ai le lashe. Vo si te ankalavel len katar le manush kai si lenge drago te marenpe ai katar o pharimos le traiosko (Psalmo 72:13, 14).

• O Del nashtil te jojavel. E Biblia phenel chachimasa ke o Del nashtil te jojavel (Zhiduvuria 6:18). Anda godia, kana o Del shinavel vareso zhanas ke si te kerdiol chacho (Isaías 55:10, 11). So vo shinadias si ke “o beng kai si ande lumia avela shudino avri” (Iovano 12:31).