“O Del lela le asua katar amare iakha, ai chi mai avela martia, ai nai nekazo, ai chi mai roven, ai ma nai dukh. Sa geletar ai shoxar chi mai avena palpale” (Sicharimos [Apokalipsos] 21:3, 4, E Lashi Viasta).

Si te avel amen iek buki kai si te avel amenge drago ai si te del amen sa so trobul amen (Isaías 65:21-23).

Khonik chi mai si te nasuavol ai chi mai si te avas po kino (Isaías 25:8; 33:24).

Si te trais o traio kai chi mai si te getol desia veselime amara familiasa ai sa le zhenentsa kai kamas (Psalmo 37:11, 29).

Ei, akana ferdi phenas dui:

• Le Devles si les bari zor te kerel so shinadias. E Biblia akharel les “O Del la putierako”, ke leste si sa e zor (Sicharimos [Apokalipsos] 15:3). Anda godia, shai pakias chachimasa ke vo si te kerel so shinadias: e Phuv si te avel iek shukar lumia. Sar phenel e Biblia, “kanchi nai so O Del nashti kerel” (Luk 1:37).

• O Del kamel te kerel so shinadias. E Vorba le Devleski phenel ke ka o Jehova si leske anda o ilo te ushtiavel le manushen kai soven ande martia (Job 14:14, 15).

  Ai phenel ke o Jesus, o Shau le Devlesko, sastiardias le nasualen. Kerdias godo ke anklisto leske anda o ilo! (Marko 1:40, 41). Sa so kerdias o Jesus sikadias ke fialo si pesko Dat. Sikadias ke pesko Dat si leske anda o ilo te azhutil le manushen kai kinuin (Iovano 5:19).

  Anda godia, zhanas chachimasa ke o Jehova ai o Jesus kamen te avel amen mai angle iek lasho traio (Psalmo 72:12-14; 145:16; 2 Petri 3:9).