АНДЭ найбаро форо андо штато Гуджарат (Индия) жувэлас о раклоро, савэс ақарэнас Джон. Лэско дад ашэля лэ Иеговаско свидетелё каринг о 1960 бэрш. И вера, андэ сави пэрэжыля лэско дад, на чалёлас лэ Джоности, лэстиря дати и лэ ԥралэнди и лэ ԥэянди, савэн сас лэстэ панч. Васо? Важ кода кай вонэ патянас андэ авэр дэл. Вонэ слинэ католикоря.

Еқвар лэ Джоноско дад мангля лэс, кай во тэ андярэл о конверто еқэ ԥралэсти, саво андэ собрания. Андэ кодэва дес, тэсара о Джон, кала камэлас тэ ԥэрнавэл жестя́но бочка, фартэ шындя о най по вас. Но во камэлас тэ стерэл кода, со ԥэндя лэсти лэско дад. Во пэрэԥангля кирпаса о най и жыля.

Кала о Джон авеля каринг трэбуй сас, и двэри ԥэрнадя лэ ԥралэсти хулаи. Вой кадяжэ сас лэ Иеговаско свидетелё. Сар вой ля о конверто, вой шутя сама, кай лэ Джоностэ шындо най, и ԥэндя, кай камэл лэсти тэ поможый. Вой дорэсля и аптечка, шутя драб по най и пэрэԥангля лэс. Тоди вой шутя лэ Джоности чаё и ля драго тэ дэл дума лэса пала Библия.

Через кода, кай и ԥэй шутя сама лэ Джонос, во закамля тэ подэл дума ласа пала свидетеля. Во пушля латар пала кода, соса на сжалпэ, андэр со патял лэско дад и кода, сости сытярэн андэ католическо қандири. Во пушля латар, кай о Христос, када Дэл и трэбуй и христианоря тэ мангэнпэ Деве Марии. И ԥэй ӷанэнас и шыб гуджарати, важ кода вой могла тэ росԥэнэн лэсти пала када пэ лэстири чачи шыб. Вой сыкадя, со пала када ԥэнэнпэ андэ Библия и дя лэсти брошюра «Эта благая весть о Царстве».

Кала о Джон адинояс кадэя брошюра, во поля, кай арақля о чачимос. Во жыля каринг пэско рашай и пушля кода же, со и латар. О рашай фартэ йто вижыля андар пэстэ и, кала шутя пэр лэстэ Библия зацыписайля: «Ту ашэлян Сатанаса! Сыкав манди андэ Библия, кай о Христос най Дэл. Сыкав, кай ԥэнэнпэ, кай на трэбуй тэ тэлювас Деве Марии. Сыкав!» Лэ Джоности кадя на чалеля, сар андярдя пэс о рашай, кай во ԥэндя лэсти: «О пэрно мэрно будэр на авэла андэ католическо қандири!» Во зритярдя пэско алав.

О Джон ля тэ сытёл па Библия, лэстэ ашэля састи вера и во ля тэ служий чачунэ Дэвлэсти. Через и время лэстэ андо ери кадяжэ ашэлэ свидетеля. Кай о Джон и доси по право вас по най ашэляпэ шрамо. О Джон лэ одеса вспоминает, сар 60 бэрш палпалэ и ԥэй шутя сама лэс и через када во ля тэ служий лэ Иеговасти (2 Кор. 6:4, 6).