Андэ люма исин бут мануша, савэнди най со тэ хан и кай тэ жувэн. Ай дэсавэ просто камэн тэ ӷанэн, кай англэ авэла вся драго мишто. Кала амэ поможысарас аврэнди, пэ када шол сама амаро Создателё, и во дэла важ када лашимос.

«Ко терэл лашимос лэ чорорэсти, кодэва залэл лэ Иеговасти, и о Дэл дэла лэсти наӷрада важ када» (ПРИТЧИ 19:17).

О Иисусо росԥэндя пала ек мануш, пэ саво динэ и чордэӷаря. Вонэ обчордэ лэс, помардэ и ашадэ тэ мэрэл по дром (Луки 10:29—37). Еқэ манушэсти, саво прожалас котэ, ашэля лэс жалко и во закамля тэ поможый. Кадэва мануш на шутя сама, кай кодэлэстэ сас авэр нацыя.

Кадэва добро мануш най кати дя пэрво помощь кадэлэ манушэсти, савэс обчордэ, и поможысардя лэ ловэнца, но кадяжэ во шутя сама, кай лэсти тэ авэл драго по ди.

Сости амэ анда када сытювас? Сар амэ полям, амэнди трэбуй тэ терас вся, со па амаро зор, кай тэ поможысарас аврэнди (Притчи 3:27). Андэ Свынто Писания ԥэнэнпэ, кай о Дэл йто улэла о чорымос и биды. Но тоди можэт тэ авэл кацаво вопросо: «Сар и кала во када стерэла?» Андэ авэр статья росԥэнэнпэ, со англэ камэл тэ стерэл важ тутэ о Создателё, саво любий тут.