О Дэл дя лэ манушэнди райкано подарко. Любо мануш андэ молитва можэт пала варисостэ тэ мангэл лэс и тэ росԥэнэн вся, со по ди. О царё Давидо мангэласпэ: «Ту, Кодэва, ко ашунэл и молитвы, каринг тутэ авэна всаворэ мануша» (Псалом 65:2). Но сар тэ мангаспэ, кай о Дэл тэ ашунэл амэн и тэ дэл атвето?

Кала мангэспэ лэ Дэвлэсти, дэ дума пэстирэ алавэнца. Андэ Писания пистромэ: «Росԥэнэн вся, со тумэндэ по ди» (Псалом 62:8). Лэ Дэвлэсти чалёл тэ ашунэл и молитвы, савэ ту ԥэнэс анда оди.

Кай о Дэл исин бут титулоря, например, Ӷосподо, Создателё, Всемоӷущё, Всевышнё. Но о алав лэстэ кати ек. О Создателё ла люмако ԥэнэн: «Мэ Иегова. Када мэрно алав» (Исаия 42:8). О алав Иегова запистромэ андэ Свынто Писания варикай 7 000 раз. Бут пророкоря ақарэнас лэ Дэвлэс па алавэстэ. Например, о Авраамо мангэласпэ: «Иегова... можно мэ пушава инке еқвар» (Бытие 18:30). Амэнди тожэ трэбуй тэ ԥэнас лэ Дэвлэско алав, Иегова, кала мангаспэ лэсти.

О Создателё ӷанэн тирэ гиндоря и полэл, со тутэ по ди, пэ сави бы шыб ту тэ на дэс дума. Андэ лэстири Книӷа пистромэ: «О Дэл на диқэл, сави кай о мануш нацыя. Но андэ кажно народо исин кодэва, ко дарал лэстар и ритярэл лэско законо, ко кадя терэл чалёл лэсти» (Деяния 10:34, 35).

Но и молитва, када кати пэрво шаго, кай тэ ашэс май пашэ каринг о Создателё. Анда авэр статья ту уӷанэса, со инке трэбуй тэ терэс, кай тэ радуис лэс.