Кай мэрнэ родителя сас найбари ферма андэ Галисия, по северо-западо Испании. Мэ сымас штарто анда восемь бэяцэ. Амаро ери сас фартэ дружно. Андэ кодэя время андэ Испания бишалэнас хотя бы еқэ бэятос андэ духовно семинария или монастырё. Андо амаро ери сас трин кацавэ бэяцэ.

Кала манди сас 13 бэрш, мэ попэлэм андо монастырё андо Мадридо, кай ужэ сас мэрни ԥэй. Котэ андо монастырё сас фартэ строӷо. На сас нисави дружба, ек кати правила, молитвы и жызня, андэ сави на сас нисавэ развличении. Рано утром амэн стидэнас андэ часовня, кай амэ тэ гиндосарас пала Дэл. Но мандэ андо шэро на сас нисавэ гиндоря. Посли када амэ дилабасас и диля пала Дэл и участвовали андэ религиозно служба. Вся када прожалас пэ латинско шыб. Мэ почти нисо на полавас и важ када гиндосаравас, кай о Дэл фартэ дур мандар. Цылонэ десэнца мэ ашавас мулком. Дажэ, кала амэ диқлямаспэ ла ԥьяса, амэ моӷли кати тэ ԥэнас ек еқати: «Слава кай и свынто Дева Мария». И монахини домэкэнас, кай амэ тэ общяемся кати епаш часо посли обеда. Кадэя жызня фартэ на шоласпэ пэ кода, сар амэ жувасас цэрэ! Манди здэласпэ, кай мэ екжэни и мэ часто ровавас.

Хоть мандэ андо ди никала на сас, кай о Дэл паша мандэ, кала манди сас 17 бэрш, мэ всаек дэм алав и ашэлэм монахиня. Но па чачимастэ мэ стердэм кати кода, со мандар аштярэнас. Прожыля набут время и мэ лэм тэ гиндосарав, ай чаче мэ камав кадя тэ жував. И монахини часто ԥэнэнас, кай кодэла, ко андэ варисостэ на допатял попэрэна андо адо! Но када на поможысардя манди тэ улав кацавэ гиндоря. Мэ ӷанавас, кай о Иисус Христос на дурёлас аврэндар. Наоборот, во вся и время сас машкар и мануша, сытярэлас лэн и заботияспэ пала лэндэ (Матфея 4:23—25). Кала манди сас почти двацать бэрш, мэ будэр на диқавас о смысло андэ кода, кай тэ авав монахиня. Мэ удивисайлэм, кала ӷлавно монахиня ԥэндя манди, кай если мэ нащи витидав, тоди манди май фэдэр авелоп со май ӥто тэ ашавав о монастырё. Здэлпэ, вой даралас, кай мэ тэ на повлияю пэ авэр. Важ када мэ ужылэмтар анда монастырё и рисайлэм цэрэ.

И родителя анда вся оди прилинэ ман. Но андэ мэрно гав на сас бути и важ када мэ улаглэм кай мэрно ԥрал андэ Германия. Во сас андэ коммунистическо ӷруппа лэ манушэнца, савэ пэрэлаглэ анда Испания. Манди сас вушэро лэнца. Вонэ домардёнас, кай тэ авэл лащи жызня кай и рабочи, и кай и мурша и жувля тэ авэн равни. Мэ ашэлэм коммунистка и ӥто вижылэм миростэ пала ек мануш анда кадэя ӷруппа. Манди здэласпэ, кай, кала мэ роздав и коммунистическо литература и жав пэ протесторя, мэ терав варисо важно.

Но прожыля время и мэ упалэ умэклэм и вас. Мэ шутэм сама, кай фартэ часто и мануша анда мэрни ӷруппа, ԥэнэнас ек, ай терэнас совсем па аврятэ. Мэ лэм тэ пэрэжываю инке май фартэ, кала андо 1971 бэрш и коммунисторя сԥабардэ испанско консульство андо Франкфурто. Када сас протесто против кода, кай и власти фартэ тасавэн пэр лэндэ. Но мэ на сымас кадэлэса соӷласно.

Посли кода, сар мандэ арақаделя пэрво бэято, мэ ԥэндэм лэ хуласти, кай будэр на лава тэ ԥирав пэ коммунистически собрании. Кодэла, ко сас важ мандэ друӷоря ни еқварэс на авелэ в ӷости амэндэ лэ бэятоса. Мандэ сас по ди, кай мэ екжэни и мэ лэм тэ гиндосарав, сости мэ жував. Трэбуй ли вообще варисо тэ терав, кай кадэва миро тэ ашэл май фэдэр?

Еқварэс андо 1976 бэрш амэндэ авелэ дуй лэ Иеговастирэ свидетеля и ашадэ амэнди и библейско литература. Кала вонэ авелэ упалэ, мэ лэм тэ задав лэнди бут вопросоря пала кода, васо кадя бут ԥаримос, васо и мануша най равни и васо андо миро кадя бут нэсправедливость. Манди фартэ чалеля, кай вонэ пэ всаворэ вопросоря дэнас атветоря па Библия! Мэ сразу жэ соӷласилась пэ библейско изучения.

Спэрва манди сас просто интересно. Но вся паруделя, кала амэ лэ хуласа лям тэ ԥирас пэ собрании андо Зало Царства кай лэ Иеговастирэ свидетеля. Каринг кодэя время амэндэ сас ужэ дуй бэяцэ. И свидетеля подындярэнас амэн андо Зало и поможынас тэ диқас пала бэяцэ, кала жалас и собрания. Манди фартэ чалелэ кадэла райканэ мануша.

И всаек мандэ сас дэсавэ вопросоря пала кода, андэр со вонэ патян. Тоди мэ закамлэм тэ авав кай о родо андэ Испания. Мэрно како сас рашай и во ля тэ ԥэнэн, кай мэ тэ на изучаю и Библия. Но катутнэ свидетеля ман фартэ подритярдэ. Вонэ дэнас атветоря пэ всаворэ мэрнэ вопросоря па Библия, кадяжэ, сар и свидетеля андэ Германия. И мэ ришыла, кай, кала мэ рисавава цэрэ, упалэ лава тэ изучаю и Библия. Хоть мэрно хулай ашадя и изучения, мэ приритярдювавас кодэлэсти, со ришыла, и андо 1978 бэрш мэ болделэм и ашэлэм лэ Иеговаско свидетелё.

Кода, кай мэ драго уӷанглэм о чачимос анда Библия поможысардя манди тэ полав, сости мэ жував и тэ став англа пэстэ лашэ цэли андэ жызня. Например, андэ 1 Петра 3:1—4 ԥэнэнпэ, кай и хулаи трэбуй пативалэс тэ андярэл пэс лэ хуласа и тэ кандэл лэс, када фартэ куч важ о Дэл. Кадэла принцыпоря поможын манди и адес тэ авав лащи хулаи и лащи дэй.

Акэ ужэ 35 бэрш мэ лэ Иеговаско свидетелё. Мэ бахтали, кай служысарав лэ Дэвлэсти андэ лэско баро ери. Мандэ панч бэяцэ и мэ лошали, кай штар андар лэндэ витидэ важ пэстэ кадэва дром.