Кала мэ сымас совсем цыкноро, амаро ери жувэлас найдур паша Лейпцига, андэ Восточно Германия, паша чешско и польско ӷраницы. Но кала манди сас шов бэрш, о дад ля тэ терэл бути пала ӷраница, и амэ пэрэлаглям спэрва андэ Бразилия, ай потом андо Эквадоро.

Кала манди сас 14 бэрш, ман бишалдэ андэ Германия, андэ школа-интэрнат. И родителя сас дур андэ Южно Америка и важ када манди прижыляпэ екжэнэсти тэ диқав пала пэстэ. Мэ ашэлэм фартэ ӷордо и нэзависимо. Манди сас всаек, со гиндон авэр мануша.

Кала манди сас 17 бэрш, и родителя рисайлэ андэ Германия и залинэ ман каринг пэстэ. Но через мэрно нэзависимо характеро мэ нэ смоӷ лэнца тэ жував и кала манди сас 18 бэрш, мэ ужылэм цэрал.

Мэ вся и время родавас смысло андэ жызня. Кала мэ сымас андэ разни компании и арӷанизацыи, мэ полэм, кай фэдэр авэла тэ став вся о зор, кай тэ уӷанав май драго амари шукарни планета, пока и мануша совсем ла нэ уничтожыли.

Мэ лаглэмтар анда Германия, тиндэм мотоцыкло и лаглэм андэ Африка. Но ӥто о мотоцыкло ԥаделя, и манди прижыляпэ тэ рисавав андэ Европа. Па дэсави время мэ сымас по бэрэӷо андэ Португалия и закамлэм тэ путешэствую по кораблё.

Мэ стидэмпэ тэрнэ манушэнца, савэ камэнас тэ путешэствуют через Атлантическо океано. Котэ мэ познакомился ла Лораса, сави потом ашэля мэрня хулаяса. Амэ поплыли пэ Карибски острова и стердям найбари остановка андо Пуэрто-Рико, ай тоди рисайлям андэ Европа. Амэ ла Лораса камасас тэ арақас парусно лодка, сави можно сас тэ стерас важ май бари путешэствия. Но через трин шон амэндэ нэожыданно дэсо тердярдя. Ман ақардэ андэ халавдэ.

Мэ прослужыл бэрш и трин шон по германско флото. Важ кадэя время амэ ла Лораса пожэнились и лям тэ гиндосарас каринг инке ладаса. Жы каринг кода, сар мэ тэ ужавтар анда халавдэ, амэ тиндям дэсавэ части па спасательно лодка. Кала мэ служыл, амэ по набут стердям андар латэ найбаро парусно кораблё. Амэ камасас андэр лэстэ тэ жувас и тэ путешэствуем, кай тэ исследуем амари шукарни ԥув. И андэ кадэя жэ время, сар мэ ужылэм анда халавдэ, но инке на достердэм о караблё, амэ познакомились лэ Иеговастирэ свидетелёнэнца и лям тэ изучаем и Библия.

Спэрва мэ на полавас, васо трэбуй тэ парував пэстири жызня. Мэрно брако сас зареӷистрированно и мэ ужэ мэклэм тэ цырдав (Эфесянам 5:5). Ай амарэ планоря, кай тэ путешэствуем па вся ԥув и тэ диқас о шукаримос, саво создал о Дэл, манди здэнаспэ фартэ райканэ.

Но па чачимастэ манди трэбуй сас тэ парудював, особенно тэ парував пэско характеро. Мэ сымас фартэ ӷордо, патявас кати андо пэско зор и гиндосаравас, сар варисо тэ домардював. Мэ жувавас кати важ пэстэ.

Еқвар мэ адиносаравас ашунгли лэ Иисусостири дума (Матфея, ӷлавы 5—7). Спэрва мэ на полэм лэ Иисусостирэ алава пала кода, ко бахталэ. Во ԥэндя, кай бахталэ кодэла, ко боқалэ и камэн тэ пэн. Мэ на полавас, сар када поможыя, кай о мануш тэ авэл бахтало. Кала мэ лэм май дур тэ изучаю, мэ полэм, кай кажно андар мэндэ андо ди камэл тэ уӷанэн важ о Дэл. Но кай тэ уӷанас важ лэстэ, амэ трэбуй тэ прижанас екжэнэ пэсти, кай када амэнди трэбуй. О Иисусо ԥэндя: «Бахталэ, ко полэн, кай лэнди трэбуй о Дэл» (Матфея 5:3, 6).

Амэ ла Лораса лям изучать и Библия андэ Германия, но потом пэрэлаглям андэ Франция, ай тоди андэ Италия. Везде, кай бы амэ тэ на авас, амэ арақасас лэ Иеговастирэ свидетелёнэн. Манди фартэ чалеля, кай лэндэ вся еқэндар и кай вонэ па чачимастэ любин ек еқэс. Мэ додиқлэм, кай и свидетеля па вся и ԥув, сар ек ери (Иоанна 13:34, 35). Па дэсави время амэ ла Лораса болделям и ашэлям лэ Иеговастирэ свидетеля.

Посли кода, сар мэ болделэм, мэ и май дур парудювавас. Амэ ла Лораса закамлям тэ поплывём понад африканско бэрэӷо, ай тоди тэ попэрас через о Атлантическо океано андэ Америка. И котэ, андо баро океано амэ самас екжэнэ по цыкноро кораблё и фартэ дур лэ бэрэӷостар. Котэ мэ полэм, пэскати мэ дэ цыкноро англа амаро зорало Создателё. Мандэ сас бут время (андо океано най кадя бут дила) и мэ десэнца адиносаравас и Библия. Со май фартэ ман ля лэ одестар, када лэ Иисусостири жызня. Во сас совершэно, во бут со моӷ тэ стерэл, но во никала на гиндояс важ пэстэ бут. Во жувэлас най важ пэстэ, ай кай тэ терэл кода, со камэл лэско небесно Дад.

Кала мэ гиндосаравас пала лэ Иисусостири жызня мэ май фартэ полэм, кай трэбуй тэ став лэ Дэвлэско Царство по пэрво ҭан андэ жызня, ай най тэ вспоминаю важ лэстэ машкар авэр дила (Матфея 6:33). Кала амэ ла Лораса авелям андэ Америка, амэ закамлям тэ ашаспэ котэ и тэ отдас вся пэско зор лэ Дэвлэсти.

Тоди, кала мэ гиндосаравас кати важ пэстэ, часто мэ на ӷанавас, со тэ витидав андэ жызня. Акана мандэ исин, катар тэ лав годявэрнэ и надёжни советоря (Исаия 48:17, 18). Акана мэ полэм, сости мэ жував. Мэ служысарав лэ Дэвлэсти и дав помощь аврэнди тэ уӷанэн пала лэстэ.

И принцыпоря анда Библия поможысардэ амэнди ла Лораса, кай амаро ери тэ авэл май бахтало. Амэндэ исин райкани доча, сави ӷанэн и любий лэ Иеговас.

Амари жызня най вся и время сас вушэро. Но лэ Иеговастирэ зорэса амэ никала на умэкаса и вас, амэ и май дур аваса тэ патяс лэсти (Притчи 3:5, 6).