Да. О Дэл камэл, кай и мануша тэ стидэнпэ еқэҭанэ, кай тэ тэлён лэсти. Андэ Библия ԥэнэнпэ: «Ласа тэ шас сама ек еқэс, кай через када авэр тэ закамэн тэ любин и тэ терэн лашимос. И тэ на промэкас и собрании» (Евреям 10:24, 25).

 О Иисусо ԥэндя, кай лэстирэ ученикоря авэна андэ ек вера. Во ԥэндя: «Кала машкар тумэндэ исин любовь, всаворэ ӷатярэна, кай тумэ мэрнэ ученикоря» (Иоанна 13:35). Кадэя любовь трэбуй тэ дицол андэ общения машкар лэ Иисусостирэ ученикоря. Вонэ трэбуй сас тэ стидэнпэ андэ собрания и тэ на промэкэн тэ проандярэн встречи, кай тэ тэлён лэ Дэвлэсти (1 Коринфянам 16:19). Кадэла собрании па вся и ԥув, сар ек ери (1 Петра 2:17).

Хутила просто тэ авэс андэ варисави вера чи най?

 Хоть андэ Библия ԥэнэнпэ, кай и мануша трэбуй тэ стидэнпэ еқэҭанэ, кай тэ тэлён лэ Дэвлэсти, котэ на ԥэнэнпэ, кай кати кадэлэса лэсти можно тэ уӷодис. Кода, кай о мануш патял, трэбуй тэ влияет пэ лэстири жызня кажно дес. Важ када андэ Библия ԥэнэнпэ: «Тэлён тумарэ Дэвлэсти и Дадэсти найзамэлярдэс и вужэс англа лэстирэ яқа. Андэ када ужал, кай тэ поможын кодэлэнди, кастэ нинай дад и лэ ԥивлянди андэ лэнго ԥаримос и тэ фэринпэ, кай тэ на замэлярдён кодэлэстар, со терэлпэ андэ люма» (Иакова 1:27).