Исин о Найвужо па чачимастэ?
Со ԥэнэнпэ андэ Библия?
Да, о Найвужо исин па чачимастэ. Во «правителё кадэла люмако», анӷело, саво ашэля найвужо и отжыля лэ Дэвлэстар (Иоанна 14:30; Эфесянам 6:11, 12). Анда Библия росԥэнэнпэ о чачимос пала Найвужо, и сар пэр лэстэ инке ԥэнэн.
О алав Сатана означает противнико» (Иов 1:6).
О алав Дьяволо сыкавэл, кай во ԥэнэн хохаимос пэ авэр (Откровение 12:9).
О алав Сап андэ Библия дэкала означает хохавно (2 Коринфянам 11:3).
«Искусителё» (Матфеё 4:3).
«Хохавно» (Иоанна 8:44).
Када най просто найлашимос андэ люма
Дэко гиндон кай, о Найвужо —када просто любо найлашимос или найлашимос, саво исин андэ мануша. Но андэ Библия пистромэ, кай о Найвужо дя дума лэ Дэвлэса. Кадэя дума сас по нэбо. Вижал о Дэл дя дума най лэ манушэнца. Во дэлас дума еқэ анӷелоса, саво жыля против лэстэ (Иов 2:1—6). Кадяжэ о Найвужо дэлас дума лэ Иисусоса (Матфеё 4:8—10). Кадя и Библия сыкавэл, кай о Найвужо исин па чачимастэ и во най просто найлашимос, саво исин андэ люма или андо мануш.
Амэ на удивисавас, кай о Найвужо исин па чачимастэ, важ кода кай во часто домардёлпэ кода, со камэл, через о хохаимос (2 Фессалоникийцам 2:9, 10). И ек анда лэстирэ сами хытри уловкэ — када тэ заԥандавэл и яқа и годи лэ манушэндирэ, кай вонэ тэ на патян, кай во исин (2 Коринфянам 4:4).
Хохаимос пала Найвужо
Хохаимос. Люцифер — ек анда алава лэ Найвужэско.
Чачимос. Андэ дэсавэ переводоря Библии тердёл еврейско алав «Люцифер». Када означает «сияющий» (Исаия 14:12). Сар дицол анда кантексто, кадэва алав ԥэнэнас пэ вавилонски царёря, савэ сас ӷорди, но савэн о Дэл тэлярдя (Исаия 14:4, 13—20). Андэ Библия о алав «сияющий» ԥэнэнпэ, кала камэн тэ приасанпэ лэ вавилонсконэ царёнэндар, кай вонэ парашэлэ тэ правин, хоть и фартэ заваздэнас о шэро.
Хохаимос. Сатана поможый лэ Дэвлэсти тэ сындой лэ мирос.
Чачимос. О Найвужо враӷо лэ Дэвлэско, ай най лэско служытелё. Во жал против кодэла, ко служый лэ Дэвлэсти, и во пэр лэндэ хохавэл (1 Петра 5:8; Откровение 12:10).