Аллах

Аллах па арабско шыб пэрэандярдёлпэ, сар Дэл. Када най алав, када титуло. Важ када андэ Библия пэ арабско шыб и пэ авэр шыба пистромэ титуло Аллах.

Альфа и Омега

Откровение 1:8; 21:6; 22:13

Андэ Библия пала Иегова пистромэ, кай во «Пэрво и послиднё», или «начало и конец». Вонэ сыкавэн, кай англа Всемоӷущё Дэл Иегова на сас нисаво дэл, и посли лэстэ нисаво дэл никала на авэла (Исаия 43:10). Андо ӷреческо алфавито и пэрво буква, када «альфа», ай и послиднё буква, када «омега».

Дэл

Бытие 1:1

Када кодэва, касти тэлён, и кай во со май зорало. Пэ еврейско шыб по Дэл ԥэнэнпэ Элохи́м, андэр лэстэ бут со ужал и када сыкавэл, кай во май баро всаворэндар, кай лэстэ со май бари власть, и кай о Дэл о Иегова совершэно.

Дэл пэ всаворэ дэвла

Второзаконие 10:17

Кай о чачуно Дэл, само бари власть и само баро зор, и вся андэ лэстирэ вас. Во най кацаво, сар и дэвла, савэн вигиндосардэ и мануша, савэ нисо нэ моӷут тэ терэн (Исаия 2:8).

Само Баро Учителё

Исаия 30:20, 21

Сытярэл кодэлэсти, со анэн лашимос, и андярэл по чачуно дром (Исаия 48:17, 18).

Кодэва, ко вся стердя

Псалом 149:2

Вся появисайля через кода, кай кадя закамля о Иегова (Откровение 4:11).

Владыка Ӷосподо

Бытие 15:2

Када сыкавэл, кай лэстэ само бари власть пэ вся. Па еврейско шыб Владыка Ӷосподо ԥэнэнпэ Адона́й.

Всевышнё

Псалом 47:2; Даниил 7:18, 27

Во со май баро, и лэстэ само бари власть пэ вся.

Всемоӷущё

Бытие 17:1

Кацаво баро зор, сар лэстэ, никастэ нинай. И еврейски алава Эл Шадда́й, савэ сыкавэн «Всемоӷущё Дэл», андэ Библия пистромэ семь разоря.

Ӷончаро

Исаия 64:8

Сар и ӷлина андэ вас кай о ӷончаро, кадя кай и о Дэл исин власть пэ всаворэ народоря (Римлянам 9:20, 21).

Ӷосподо

Псалом 135:5

Ӷосподино или хулай пэ еврейски шыб када Адони́м или Адо́н.

Ӷосподо Саваоф

Исаия 1:9; Римлянам 9:29, Синодально переводо

Када сыкавэл, кай во хулаий пэ фартэ бут анӷелоря. О титуло «Ӷосподо Саваоф», пэрэандярдёлпэ сар «Иегова хулай пэ войскоря» и «Ӷосподо по войско [саво по нэбо]» (Римлянам 9:29, Библия. Нэвэ мироско переводо; Современно русско переводо).

Ԥурэдэр Бэршэнца

Даниил 7:9, 13, 22

О Дэл сас вся и вечность. Инке тоди, кала на сас нисо и нико, о Дэл ужэ сас (Псалом 90:2).

Искупителё

Исаия 41:14, Синодально переводо

Када кодэва, ко витинэл лэ манушэн лэ бэзэхэстар и ла смэртятар через кода, кай о Иисус Христос отдя пэстири жызня (Иоанна 3:16).

Дад

Матфея 6:9

Кодэва, ко дэл жызня.

Пастырё

Псалом 23:1

Заботийпэ пала кодэла, ко лэс кандэл.

Ревнителё

Исход 34:14, Синодально переводо

Кодэва, ко на камэл, кай тэ тэлён инке варикасти кроме лэстэ.

Само свынто

Притчи 9:10

О Дэл само свынто и само вужо андэ вся.

Плай

Псалом 18:2, 46

Кодэва, ко спасый и пала кастэ можно тэ гарадёспэ.

Виашунэл и молитвы

Псалом 65:2

Кала и мануша патян и мангэнпэ лэсти, во лэн виашунэл.

Спасителё

Исаия 45:21

Во фэрий ла бидатар и ла смэртятар.

Радосно Дэл

1 Тимофею 1:11

Радуийпэ пэстиря дилати, во бахтало Дэл (Псалом 104:31).

Создателё

Исаия 51:13

Кодэва, ко вся стердя (Откровение 4:11).

Царё ла времяко

Откровение 15:3

Во всегда сас и авэла Верховно Владыка.

Я есмь Сущий

Исход 3:14, Синодально переводо

Во ашэла кодэлэса, каса закамэла тэ ашэл, кай тэ стерэл кода, со ԥэндя. Кадэла алава поможын тэ полас, со сыкавэл лэ Дэвлэско алав Иегова, пала саво ԥэнэнпэ андэ Исход 3:15.

Иегова-Ире

Бытие 22:13, 14

«О Иегова дэла».

Иегова-Нисси

Исход 17:15

«Иегова, када мэрно сигнально знако», или «мэрни знамя» (Нэво русско переводо). О Иегова, када Дэл, кастэ жал лэско народо, кай во тэ поможый и тэ фэрий лэн (Исход 17:13—16).

Иегова-Шалом

Судей 6:23, 24

«О Иегова терэл, кай тэ авэл мирно».

Иегова-Шамма

Иезекииль 48:35

«О Иегова котэ».