Ӷреческо алав саво пэрэандярдо андэ Библия сар «воскресения», жал лэ алавэстар ана́стасис, саво означает «ваздэс» «ущес упалэ». О воскресшо ваздэлпэ анда мулэ и рийпэ каринг и жызня, во рийпэ кацавэса жэ манушэса, саво сас (1 Коринфянам 15:12, 13).

 Хоть о алав «воскресения» на тердёл андэ Еврейски Писания, пэ саво часто инке ԥэнэн Ветхо Завето, но котэ драго дицол, кай авэла воскресения. Например, о Дэл через пророко Осия дя алав: «Мэ избавлю мэрно народо анда власть кай и моӷила, одлава лэс ла смэртятар» (Осия 13:14; Иов 14:13—15; Исаия 26:19; Даниил 12:2, 13).

 Кай авэна воскрешаца и мануша? Дэсавэн воскресина каринг и жызня по нэбо, кай тэ правин лэ Христоса (2 Коринфянам 5:1; Откровение 5:9, 10). Андэ Библия ԥэнэнпэ, кай када «пэрво воскресения» и «раннё воскресения»; лэдуй кадэла выражэния сыкавэн, кай посли авэла инке ек воскресения (Откровение 20:6; Филиппийцам 3:11). Када авэла воскресения каринг и жызня пэ ԥув, и май бут мануша авэна воскрешёни именно андэ время, кала авэла и май позднё воскресения (Псалом 37:29).

 Сар авэла воскресения? О Дэл дя лэ Иисусости зор тэ воскрешает кодэлэн ко муля (Иоанна 11:25). О Иисус рия каринг и жызня всаворэн, ко мулинэ, и кажно воскреснет кацавэса жэ, савэса сас раньшэ, пэстирэ характероса и воспоминаниенца (Иоанна 5:28, 29). Кодэлэндэ, ко воскреснут каринг и жызня по нэбо, авэла духовно тила, ай кодэла, ко воскреснет важ и жызня пэ ԥув, авэна зоралэ любонэ насвалимастар (Исаия 33:24; 35:5, 6; 1 Коринфянам 15:42—44, 50).

 Ко авэла воскрешёно? Анэ Библия ԥэнэнпэ: «кай ринапэ каринг и жызня кодэла, ко муля, праведни и нэправедни» (Деяния 24:15). Андэ праведни ужан верни лэ Дэвлэстирэ служытеля, кацавэ сар о Ноё, и Сарра и о Авраамо (Бытие 6:9; Евреям 11:11; Иакова 2:21). Ай нэправедни, када кодэла, ко на ритярэлас лэ Дэвлэстирэ законоря, важ кода кай лэндэ на сас возможность лэн тэ уӷанэн.

 Но кодэла, ко засытелэ тэ терэн бэзэх пэ скати, кай лэн ужэ нэ исправить, кацавэ нэ воскреснут. Кала кадэла мануша мэрэн, вонэ мэрэн навсегда и вонэ будэр нэ воскреснут (Матфеё 23:33; Евреям 10:26, 27).

 Кала авэла воскресения? Андэ Библия ԥэнэнпэ, кай и воскресения каринг и жызня по нэбо начнёца, кала авэла о Христос, када жал анда 1914 бэрш (1 Коринфянам 15:21—23). Воскресения каринг и жызня пэ ԥув авэла андэ время, кала о Иисус Христос лэла тэ правий тысяча бэрш, ай и ԥув ашэла раё (Луки 23:43; Откровение 20:6, 12, 13).

 Васо годявэрнэс тэ патяс андэ воскресения? Андэ Библия запистромэ девять случаёря, кала сас воскресения и кажно андар лэндэ диқлэ авэр мануша (1 Царей 17:17—24; 2 Царей 4:32—37; 13:20, 21; Луки 7:11—17; 8:40—56; Иоанна 11:38—44; Деяния 9:36—42; 20:7—12; 1 Коринфянам 15:3—6). Кода сар о Иисусо воскресил лэ Лазарёс сас инке май нэ обычно. Кала о Лазарё сас муло ужэ штар дес о Иисусо рисардя лэс каринг и жызня и када диқлэ бут мануша (Иоанна 11:39, 42). Дажэ лэ Иисусостирэ противникоря нэ моӷли пэ када нисо тэ ԥэнэн важ када вонэ доԥэнделэ машкар пэстэ, кай тэ умарэн лэ Иисусос и лэ Лазарёс (Иоанна 11:47, 53; 12:9—11).

 Андэ Библия драго дицол, кай лэ Дэвлэстэ исин зор и жылания тэ рий каринг и жызня, кодэлэн, ко муля. Во фартэ драго сэрэл пала кажно мануш, савэс камэл воскресить пэстирэ барэ зорэса (Иов 37:23; Матфеё 10:30; Луки 20:37, 38). О Дэл можэт тэ рий каринг и жызня, кодэлэн, ко муля, и во фартэ камэл када тэ стерэл! Андэ Библия росԥэнэнпэ пала воскресения, сави авэла, и пала Дэл ԥэнэнпэ: «Ту упалэ всаворэ одеса закамэса тэ диқэс пэ кода, со стердэ тирэ вас» (Иов 14:15).

Нэправильни гиндоря пала воскресения

 И мануша вигиндосардэ: Воскресения, када кала и душа рийпэ андэ тила.

 Но па чачимастэ: И Библия сытярэл, кай душа, када всаворо о мануш, ай най варисави лэстири часть, сави ашэлпэ посли смэрть (Бытие 2:7; Иезекииль 18:4). О мануш, савэс рин каринг и жызня и душа на стидэнпэ еқэҭанэ, о мануш упалэ создаёца сар жунди душа.

 И мануша вигиндосардэ: Дэсавэ манушэн воскресина и лэн сразу жэ уничтожат.

 Но па чачимастэ: Андэ Библия ԥэнэнпэ, кай кодэла, «ко терэнас найлашимос» воскреснут, «кай о Дэл тэ сындой лэн» (Иоанна 5:29). Но кадэва сындо авэла най па лэндири дила, сави вонэ терэнас англа пэстири смэрть, ай па дила, сави вонэ стерэна посли кода, сар воскреснут. О Иисусо ԥэндя: «И мулэ ашунэна о ӷолосо лэ Дэвлэстирэ Шавэско, и кодэла, ко лэс кандэна, авэна тэ жувэн» (Иоанна 5:25). Кодэла, ко «кандэна», то есть посли кода, сар ринапэ каринг и жызня, лэна тэ уӷанэн лэ Дэвлэско законо и тэ жувэн пар лэстэ. Тоди вонэ удостоятся, кай кода сар лэн ақарэн авэла запистромэ андэ «ла жызняко свитоко» (Откровение 20:12, 13).

 И мануша вигиндосардэ: О мануш воскрешаеца андэ кодэя жэ тила, сави лэстэ сас жы кай кодэя время, сар во муля.

 Но па чачимастэ: Посли смэрть и тила лэ манушэстири тернёл и ашэл прахо (Экклезиаст 3:19, 20).