I LECȚIA 7
Con sas o Isus?
O Iehova bișaldea le Isusos pi phuv. (1 Ioan 4:9)
Te camas te avas plăcuto le Iehovasche, mai trebul te ascultisaras chanivastar importanto. But mai anglal ji cai te cherel le Adamos, o Iehova cherdea ando ceri iech ființa spiritualo zurali.
Pala-ech timpo, o Iehova cherdeas cadai ființa spiritualo te năștil pe ando Betleemo anda iech șei bari cai bușolas Maria. Cada-l șavesche șutine lesche o anav Isus (Ioan 6:38).
Sar manuș, o Isus reflectisardeas perfecto le calități le Devlesche. Vo sas lașo, iubitorii thai pașă le manușendar. Nas lesche dar te sicavel averen o ciacimos anda-o Iehova.
O Isus cherdea but buchia lașe, tha i lumea urâsardea les. (1 Petru 2:21-24)
Le conducători religioso urâsarde le Isusos pentru că vo sicadea lengo hohaimos thai nasulimos.
O Isus cherdea mișto le nasfalen thai juvindisardea le mulen.
Le conducători religioso reușisarde te cheren le Romanen te maren le Isusos thai te mudaren les.
