PFUKANI! N.º 2 2020 | Tinhlamulo Ta Swivutiso Swa Ntlhanu Mayelanu Ni Ku Xaniseka
Na hi nga swi yimelanga, hinkwezru hi nga ha weliwa hi makhombo—ku nga ha va mavabyi, timhangu ta ku vangiwa hi vhanu, timhangu ta ntumbuluku kumbe hi yentxeliwa wusomboloki.
Vanyingi va djula ku tiva leswaku ha yini hi xaniseka.
Van’we va yanakanya leswaku hi xaniseka hi mhaka ya leswi lwe wa ntamu a swi bekisiki xiswoswo kumbe hi leswi hi kalaka hi nga na swinyingi swa ku swi yentxa akuva hi sivela ku xaniseka kwezru.
Kasi vambeni va kholwa leswaku hi xaniseka hi mhaka ya mintxhumu ya ku biha leyi hi yi yentxiki ka wutomi bya swoswi kumbe ka wutomi byin’wana.
Loko vhanu va weliwa hi makhombo, va sala va ni swivutiso swinyingi ku tlula tinhlamulo.
Leswi Van’wana Va Swi Kholwaka
Vona leswi wukhongoti bya ku hambanahambana byi swi hlayaka mayelanu ni ku xaniseka.
1 Xana Hi Nga Nyika Nandzru Xikwembu Nkulukumba Hi Ku Xaniseka Kwezru?
Vhanu va kanganyisiwa hi tindondzro ta madzrimi mayelanu na Xikwembu Nkulukumba. He wini ntiyiso?
2 Xana Hi Ni Nandzru Hi Ku Xaniseka Kwezru?
Loko hine hi ni nandzru hi mintxhumu ya ku biha leyi yi humelelaka a wuton’wini byezru, leswo swi djula ku hlaya leswaku swi nga ha va kone leswi hi nga swi yentxaka akuva hi pumba ku xaniseka kwezru.
3 Ha Yini Vhanu Lavanene Va Xaniseka?
Bibele dzra hi pfuna ku twisisa nhlamulo.
4 Xana Hi Vumbeliwe Leswaku Hi Xaniseka?
Xana Xikwembu Nkulukumba lweyi a vumbiki mintxhumu ya ku xonga a misaveni i nga va yene a hi vangelaka ku xaniseka? Loko swi nga li tanu, swi honeke kwini?
5 Xana Ku Xaniseka Ku Ta Hela Siku Dzrin’wana?
Bibele dzri hi byela hi ku kongoma leswi Xikwembu Nkulukumba a taka swi yentxa akuva a helisa ku xaniseka.
Lomu U Nga Wu Kumaka Kone Mpfunu
Nambi loko swikazratu swezru swi tikomba na swi nga na matlhantlhela, ku ni mpfunu lowu hi nga dumbelaka ka wone.
