VÄEAG 5
Hoi Ti‘ Ta —Ka Sei Ta A‘fại? Ka Sei Ta Kat A‘fại?
Iris ma‘oi ‘e av ‘on Noa a‘sokoa agraksa‘a. Kamataga 6:5
Atama ma Ive ‘es lelea‘, ma hele‘ la famori la ma‘oi ‘e rȧnte‘. Kotä ‘ager he his teag‘esea ma Satan ta ‘e ‘oris noh agại.
Iris leum se rȧnte‘, ma für iris la fak famör la po la iris la ‘inos ma hạina. Hạina ‘esem lelea‘ fa for titi‘ fakapạu, ne‘ne‘ ka mamạr.
Rȧnte‘ hele‘ la ma‘oi famör ne re te raksa‘a. Puk Ha‘a rak‘ạkim ne “agraksa‘ ‘on famori ti‘ pau ‘e rȧn te‘, ka te‘ ne ‘amnȧk ‘atakoa ne fupfup ‘e masmasar ne ‘on huga gat ma ke tē raksa‘ ‘e te‘ ne ava.”
Noa a‘fại se ‘Ạitu ma ‘oloa ‘ahại ta. Kamataga 6:13, 14, 18, 19, 22
Noa iạ fa leleit. Jihova foar se Noa ne Iạ täla a‘ofia famör mam‘asa ‘e ta hoi ti‘ut.
‘Ạitu foar se Noa la ‘oloa ta ‘ahại ti‘ut, ma sur‘ạkia sin ‘on kạunohoag ta ma te‘ ne kạinag mạnmạnu.
Noa foar fakne‘ne‘ se famori Hoit ne täla soko, ka iris kat mā ra sin. Iris ‘e ‘on rerege kaha‘ȧk Noa; iris ne tore fesiạ‘ȧk iạ.
‘E avat ne ‘ahại ta ‘ol ma vạhie, Noa sur‘ạkia mạnmạnu se ‘on laloga.
