VYOBA VYARIYADUKIJE?
Amaboko atangaje y’agakoko bita pieuvre
Abahingura amarobo bariko baragerageza guhingura ibikoresho vyofasha abaganga kubaga ahantu haga batarinze gusatura umubiri cane. Ubuhinga bagezeko bufatiye ku kuboko kworoshe cane kw’agakoko bita pieuvre.
Rimbura iki kintu: Ako gakoko gakoresheje amaboko yako umunani yoroshe cane kandi ashobora kurehuka, karashobora gufata ikintu no kukigumya, naho coba kiri ahantu haga. Karashobora kandi kugondera ukuboko kwako mu ruhande urwo ari rwo rwose no kudadaza uduce tumwetumwe tw’ukwo kuboko iyo bikenewe.
Abahinga biyumvira ko ukuboko kw’ikirobo kworoshe gutyo kwofasha cane mu kubaga ahantu haga. Ubwo buhinga bwofasha mu kubaga abarwayi bari gushobora kubagwa mu buryo bugoye cane.
Irabire ukuntu amaboko y’ako gakoko yoroshe
Abahinga baramaze gukora ukwo kuboko kandi baramaze gutangura kugukoresha ariko atari mu kubaga abantu. Ukwo kuboko kureha na milimetero 135. Igice kimwe cakwo kirashobora guterura ibihimba vyo mu nda kikabigumya kitarinze kuvyonona, mu gihe ikindi gice kiba kiriko kirabaga. Muganga Tommaso Ranzani, umwe mu bakoze ukwo kuboko, avuga ati: “Twizigiye ko iyi ari intango izodufasha gukora ayandi marobo ahanitse gusumba kandi ashobora gukora ibintu vyinshi.”
Ukuboko kw’ikirobo kworoshe kwofasha cane mu kubaga
Uvyibazako iki? Ukuboko kw’ako gakoko kwoba kwariyadukije, canke hariho uwagushizeho?
Raba kandi
IBITABU N’UDUTABU
Vyoba vyararemwe?
Ivyo wemera ku bijanye n’ukuntu ubuzima bwatanguye kubaho biri n’ico bivuze koko.
ICO BAVUGA KU BIJANYE N’INKOMOKO Y’UBUZIMA
Massimo Tistarelli: Umuhinga mu vy’amarobo asigura icatumye yemera Imana
Ubuhinga budasanzwe afise bwaratumye atangura gukekeranya ku vyo yemera ku bijanye n’uko ibintu vyiyadukije.
BE MASO!
Utwanwa tw’akayabu
Kubera iki abahinga bariko bariyumvira guhingura ibimashini vyitwa robo bifise utuntu dukora nk’utwanwa tw’akayabu?
BE MASO!
Umuco w’agakoko kitwa calmar ko muri Hawayi
Ako gakoko karihingurira umuco, mugabo ntikabigira kugira kabone canke kabonwe.
VYOBA VYARIYADUKIJE?
Umurizo w’agakoko bita ifarasi yo mu mazi
Agakoko bita ifarasi yo mu mazi ni ubwoko bw’ifi ifise umurizo ukora mu buryo butangaje. Abahingura amarobo bariko bararondera kwisunga ubuhinga uwo murizo ukoresha.