Zaburi 56:1-13
Ku mukuru w’abaririmvyi: bayiririmbira kw’ijwi ryitwa «Inuma yihoreye iri kure cane.» Ni indirimbo* ya Dawidi, igihe Abafilisitiya bamufatira i Gati+.
56 Ewe Mana, ngirira ubuntu kuko abantu bariko barantera*.
Baguma bandwanya bongera bancinyiza bukarinda bwira.
2 Abansi banje birirwa barandondera kugira bancakire.Abandwanya n’ubwishime n’akantu ni benshi.
3 Ni wewe nizigira+ igihe mfise ubwoba+.
4 Imana ni yo nizigiye, kandi ndahayagiza ijambo ryayo.Imana ni yo nizigiye, kandi singira ubwoba.
None umuntu buntu yongira iki+?
5 Baguma banteza ingorane bukarinda bwira.Nta kindi barota atari ukungirira nabi+.
6 Barinyegeza kugira bantere,bakarereka intambuko zanje zose+bashaka kuzimanganya ubuzima bwanje+.
7 Ewe Mana, nubashibure kubera ikibi cabo.
Nutikize amahanga washavuye+.
8 Urazi amagorwa yose ngira* ndiko ndahunga+.
Nushire amarira yanje mu mukuza* wawe+.
None ntiyanditswe mu gitabu cawe+?
9 Umusi nagutabaje, abansi banje bazohunga+.
Ico nzi neza ni iki: Imana iri ku ruhande rwanje+.
10 Imana ni yo nizigiye, kandi ndahayagiza ijambo ryayo.Yehova ni we nizigiye, kandi ndahayagiza ijambo ryiwe.
11 Imana ni yo nizigiye, kandi singira ubwoba+.
None umuntu buntu yongira iki+?
12 Ewe Mana, indagano nakugiriye ntegerezwa kuzishitsa+.Nzogushikanira ibimazi vy’ugukenguruka+.
13 Kuko wandokoye ukankiza urupfu+,kandi ukarinda ibirenge vyanje gutsitara+kugira ngendere imbere y’Imana mu muco w’abazima+.
Utujambo tw'epfo
^ Mu giheburayo havuga ngo «mikitamu.» Raba Insiguro y’amajambo (Mikitamu).
^ Canke «baguma barondera kuncakira.»
^ Canke «mu mukuza w’urushato.»
^ Canke «intambuko zose ntera.»
